Prezıdent reformalary: aıtyldy – jasaldy
Sondaı-aq jyl basynan beri egov.kz mindetti memlekettik tirkeýge jatpaıtyn jyljymaly múlik kepilin tirkeýge qoljetimdi boldy. Rásimdeý úshin portalǵa kirip, tıisti ótinimdi toltyrý jetkilikti.
Jańa jyldan bastap qazaqstandyqtarǵa qoljetimdi taǵy bir sıfrlyq qyzmet iske qosyldy. Ol JSHS-ny tez ári qıyndyqsyz tirkeýge múmkindik beredi.
Bul úshin sizge tek smartfon jáne az ǵana ýaqyt qajet. Naqtylaı aıtqanda, biz banktik mobıldi qosymshamen bıometrıkany qoldaný arqyly kirip, «JSHS tirkeý» qyzmetin tańdaımyz. Barlyq qajetti joldardy toltyrǵannan keıin ótinimge qol qoıamyz jáne kásipkerlik qyzmettiń bastalǵany týraly habarlamany dereý alamyz. Qalǵanyn júıe óz betinshe atqarady, ıaǵnı habarlama avtomatty túrde memlekettik kirister men statısıka organdaryna jiberiledi jáne paraleldi túrde jańa JSHS úshin bankte esepshot ashylady.
«Sıfrlyq» keıinge qaldyrý qyzmeti
1 naýryzda aqparattyq júıelerde bar azamattardyń sıfrlyq derekteri negizinde onlaın rejımde áskerge shaqyrýdy keıinge qaldyrý nemese odan bosatý boıynsha qyzmet iske qosyldy.
Atalǵan qyzmet azamattardy talap etiletin qujattardy jınaýdan jáne áskerı komısarıatqa barý qajettiliginen bosatady.
Sonymen qatar jaqyn arada áskerı esepke mindetti tirkeýdi jáne shyǵarýdy toqtatý týraly sheshim qabyldanady. Endi turǵylyqty jerin aýystyrǵan kezde áskerı mindetti nemese merzimdi áskerı qyzmetshini tirkeý jáne esepten shyǵarý jergilikti áskerı basqarý organdaryna barmaı-aq avtomatty túrde júzege asyrylady.