Qarjy monıtorıńi agenttigi jalǵan stomatologıalyq klınıkalardyń ıelerin izdestirip jatyr, - dep habarlaıdy Aqshamnews.kz tilshisi.
Agenttik málimetinshe, myna adamdar izdestirilip jatyr:
- Dúısenov Aslan Qambaruly, 01.04.1992 j.t.
- Imanbaev Gabbas, 18.05.1998 j.t.
- Eleshev Esimhan Baıandıevıch, 11.09.1987 j.t.
Olar 46 mlrd teńgeden asa qarajatty BJZQ-dan zańsyz shyǵarý maqsatynda qylmystyq sqemalar uıymdastyrdy degen kúdikke ilingen. Bul maqsatta olar tis emdeý qyzmeti kórsetilgendeı jalǵan medısınalyq qujattar rásimdegen. Olar Mańǵystaý jáne Atyraý oblystaryndaǵy 7 stomatologıalyq klınıkany paıdalanǵan. Bul mekemeler is júzinde eshqandaı medısınalyq qyzmet kórsetpegen.
Olarǵa qatysty bultartpaý sharasy retinde qamaýǵa alý qoldanylǵan.
"Aıyptalýshylardyń biri, ıaǵnı Dúısenov A.Q. buryn polısıa qyzmetkeri bolǵan, alaıda teris sebepter boıynsha jumystan shyǵarylǵan. 2016 jyly ol Qylmystyq kodekstiń 105-baby ("Óz-ózine qol jumsaýǵa deıin jetkizý") jáne 362-baby ("Qyzmettik ókilettikterin asyra paıdalaný") boıynsha aýyr qylmys jasaǵany úshin 5 jylǵa bas bostandyǵynan aıyrylǵan", - dedi QMA ókili.
Qarjy monıtorıńi agenttigi qandaı da bir aqparat biletinderden myna nómir boıynsha habarlaýdy surady: +7 (7172) 70 84 78 - kezekshi bólim.