«Eńbek joly» respýblıkalyq baıqaýynyń óńirlik kezeńinde túrli saladaǵy jas mamandar ozyq shyqty. Olar eńbek ótiliniń qysqalyǵyna qaramastan kásibı jetistikterge qol jetkizgen. Jeńimpazdar arasynda avıasıa, energetıka, agrarlyq sektor, bilim berý jáne basqa da salalardyń ókilderi bar.
Máselen, Almaty oblysynan kran júrgizýshisi Dılfýza Baqytjanova, Jambyl oblysynan áýe qozǵalysyn basqarý dıspecheri Erkebulan Turysjan, Jetisýdan veterınar dáriger Baýyrjan Mashanbaev, Aqtóbeden brıgadır Muhtar Túlkibaev úzdik shyqty. Túrkistan oblysyn pedagogıka ǵylymdarynyń magıstri, gımnazıa muǵalimi Gúlaıhan Ermanova tanystyrdy.
Sondaı-aq Almatydan elektromehanık Dosymjan Erlanov, Shymkentten ekolog Baıansulý Orazbaı, Abaı oblysynan óndiris sheberi Aıbar Aıdaruly, Qaraǵandydan Juldyzaı Baıdúısen, Aqmoladan zerthanashy Aıajan Jamkenova, Atyraýdan eńbekti qorǵaý ınjeneri Aıbar Amanjolov, SHQO-dan energetık Álı Aqshaǵanov, Mańǵystaýdan Daryn Amanqulov jáne ózge óńirlerden jas mamandar erekshelendi.
Barlyǵy 20 fınalıst qazirgi qazaqstandyq jumysshy jastarynyń áleýeti men tabysqa jetý jolyn kórsetip otyr. Bıyl baıqaýǵa elimizdiń 17 oblysy men 3 qalasynan 505 úmitker qatysqan.
«Eńbek joly» baıqaýy jyl saıyn ótkiziledi jáne úsh nomınasıa boıynsha jeńimpazdar anyqtalady:
-
«Úzdik eńbek áýleti»
-
«Jumysshy jastardyń úzdik tálimgeri»
-
«Óndiristiń úzdik jas qyzmetkeri»
Jeńimpazdardy marapattaý rásimi jeltoqsanda, Jumysshy mamandyqtar jylynyń jabylýyna arnalǵan saltanatty is-sharada ótedi.