Almatynyń Naýryzbaı aýdanynda 2025 jyly jol ınfraqurylymyn jańartý boıynsha aýqymdy jumystar júrgizilip jatyr. Jumystar negizgi kóshelerdi qamtyp otyr, dep atap ótti Naýryzbaı aýdanynyń ákimdigi.
Turǵyndardyń ótinishi jáne aýdan ákimdiginiń bastamasy boıynsha Almaty mobıldilik basqarmasy qala ákimdiginiń jobalyq keńsesiniń qoldaýymen jalpy uzyndyǵy 47,1 shaqyrym bolatyn 35 kóshede ortasha jóndeý jumystaryn bastady. Bul aýdan úshin rekordtyq kórsetkish.
Búginde jalpy uzyndyǵy 34,9 shaqyrymnan asatyn 26 kóshede jóndeý jumystary aıaqtaldy. Taǵy 3 ýchaskede jumystar jalǵasýda. Jóndeý jumystary bıyl 15 qazanǵa deıin tolyq aıaqtalady dep josparlanyp otyr. Qabylbaev, Seıitmetov, Tynybaev, Smaılov, Áıteı batyr, Lapın, Qosynov, Arman, Jaqaev jáne basqa da birqatar kóshede jóndeý jumystary aıaqtaldy.
Mamandardyń aıtýynsha, jol tósemin jańartý qozǵalys qaýipsizdigi men jaılylyǵyn arttyrady, shaǵynaýdandar arasyndaǵy kólik qatynasyn jaqsartadyjáne negizgi magıstraldardaǵy júktemeni azaıtady.
Qala turǵyndary júzege asqan ózgeristerge oń baǵa berip otyr.
«Buryn Qazybekov kóshesinde tipti tómen jyldamdyqpen júrýdiń ózi qıyn bolatyn. Mine, endi jol tegis ári qaýipsiz. Bul júrgizýshilerge de, júrginshilerge de yńǵaıly», - dedi aýdan turǵyny Álıma.
Ákimdikte Naýryzbaı aýdanynyń qarqyndy damyp kele jatqany, jańa turǵyn úı keshenderiniń boı kótergeni atap ótildi. Sondyqtan jol ınfraqurylymyn jaqsartý óte mańyzdy.