Jýrnalıser tolyǵymen aqtaldy.
Qazaqstannyń Joǵarǵy Soty respýblıkaǵa tanymal jýrnalıser Seıitqazy jáne Áset Mataevtardy tolǵymen aqtady, dep habarlaıdy Almaty-akshamy.kz Kaztag.kz silteme jasap.
Joǵarǵy Sot seısenbi kúngi otyrysynda Seıitqazy men Áset Mataevtarǵa qatysty Astana qalasy sotynyń 2016 jylǵy 9 jeltoqsany kúni shyqqan úkimin joıdy. Sýdıa úkimdi oqı otyryp, Mataevtardyń tolyǵymen aqtalǵanyn jáne qylmystyq prosesti júrgizgen organdardyń zańsyz áreketterinen keltirilgen zıandy óteýge quqyǵy bar ekenin túsindirdi.
Eske salaıyq, Seıitqazy men Áset Mataevtar 2016 jyly sottalǵan bolatyn. Qylmystyq qýdalaý QazTAG agenttigin reıderlik jolmen basyp alý áreketimen qatar júrdi.
Sonymen qatar, Qazaqstanda da, shetelde de saıası astary bar dep tanylǵan is boıynsha Mataevtardyń kinási taǵylǵan aıyptardyń eshqaısysy dáleldenbedi, alaıda bul Qazaqstan sotynyń aıyptaý úkimin shyǵarýyna kedergi bola almady.
Sonymen birge Mataevtardy tapsyrys boıynsha qýdalaýǵa qatysýshylardyń eshqaısysy bul úshin áli jazalanǵan joq.
2022 jyldyń 5 shildesinde Ótebekov Bas prokýratýra Mataevtarǵa qatysty ádiletsiz úkimge narazylyq bergenin habarlady. 6 shildede Ótebekov jaǵdaıǵa túsinikteme bere otyryp, Áset Mataev isin qaıta qaraýdy qoǵamdyq-saıası jaǵdaıdyń ózgerýimen baılanystyrdy.
8 shildede Senat pen Májilistiń birqatar depýtattary Mataevtardyń tolyq aqtalýyna úmit artyp, tıisti málimdemege qol qoıǵany belgili boldy. 9 shildede Qazaqstannyń BAQ ókilderi Mataevtar ózderine qatysty ádiletsiz oıdan shyǵarylǵan qylmystyq is boıynsha tolyq aqtalýyna sene alady degen jańalyqqa qulshynyspen jáne optımısik kózqaraspen qaraǵany habarlandy.