Eki myńnan astam jábirlenýshiniń aqshalaı qarajatyn zańsyz tartqany belgili boldy.
Qazaqstan boıynsha «Elimaı-2019» tutyný kooperatıvi túrindegi qarjy pıramıdasy zańsyz qyzmet atqarǵany anyqtaldy. Jábirlenýshiler 1,5 mlrd teńge kóleminde shyǵynǵa batty, dep habarlaıdy Almaty-akshamy.kz Egemen.kz silteme jasap.
«Almaty oblysynyń prokýrorlary «Elimaı-2019» tutyný kooperatıviniń basshylaryna qatysty qarjy pıramıdasyn qurý faktisi boıynsha qozǵalǵan qylmystyq isti sotqa joldady», - delingen oblystyq prokýratýra habarlamasynda.
Tergeý barysynda «Elimaı-2019» ÓK basshylary turǵyn úı nemese avtokólik satyp alý úshin paıyzsyz qaryz bergeni úshin qarjy pıramıdasynyń qyzmetine elimizdiń 12 óńirinen jalpy somasy 1,5 mlrd teńgege eki myńnan astam jábirlenýshiniń aqshalaı qarajatyn zańsyz tartqany anyqtaldy.
Qylmystyq is aıasynda kúdiktiler men olardyń týystaryna tıesili 15 jer ýchaskesi, 5 turǵyn úı jáne 5 avtomashına tárkilendi, olardyń baǵalaý quny 145 mln teńgeni qurady. Sondaı-aq banktegi 85 mln teńge somasyndaǵy aqsha qarajaty da tárkilendi.