Kezdesý barysynda taraptar Azıadaǵy kópjaqty formattaǵy Qazaqstan-Reseı yntymaqtastyǵynyń jaı-kúıi men damýy týraly pikir almasty.
Qazaqstan Respýblıkasy Syrtqy ister mınıstriniń orynbasary Ádil Tursynov Reseı Federasıasyna jumys sapary aıasynda Reseı Syrtqy ister mınıstriniń orynbasary Igor Morgýlovpen kezdesti, dep habarlaıdy Almaty-akshamy.kz SİM baspasóz qyzmetine silteme jasap.
Taraptar Azıadaǵy ózara yqpaldastyq jáne senim sharalary jónindegi keńes (AÓSSHK) sheńberindegi eki eldiń qarym-qatynas máselelerine erekshe nazar aýdardy. Azıa keńesindegi qazaqstandyq taraptyń qazirgi tóraǵalyǵyn eskere otyryp, Á. Tursynov reseılik dıplomatty 2022 jylǵy qazanda ótetin AÓSSHK 6-shy Samıtine daıyndyq barysy, onyń ishinde is-sharanyń kún tártibi, onyń mazmundyq jáne uıymdastyrýshylyq aspektileri týraly habardar etti.
Reseı tarapy forým qyzmetin jandandyrý boıynsha Qazaqstan tóraǵalyǵymen júrgizip jatqan jumysty joǵary baǵalap, Azıa keńesin halyqaralyq uıymǵa aınaldyrýdy qoldaıtynyn bildirdi.
Sonymen qatar, taraptar AÓSSHK aıasyndaǵy is-sharalar kestesin talqylady.
Kelissózder qorytyndysy boıynsha dıplomattar AÓSSHK 6-shy Samıtin tabysty ótkizý, sondaı-aq Azıadaǵy kópjaqty formattaǵy eki el arasyndaǵy yntymaqtastyǵyn nyǵaıtý maqsatynda belsendi baılanystardy jalǵastyrýǵa kelisti.