Halyqaralyq Azamattyq avıasıa uıymy (IKAO) 2025 jylǵy 30 tamyzdan 15 qyrkúıekke deıin Qazaqstan Respýblıkasynda ótkizilgen avıasıalyq qaýipsizdiktiń keshendi aýdıtiniń (USAP-CMA) nátıjelerin resmı túrde jarıalady.
Tekserý qorytyndysy boıynsha Qazaqstan Respýblıkasynda IKAO halyqaralyq standarttaryna sáıkestik deńgeıi 95,7% boldy. Bul kórsetkish álemdik ortasha deńgeıden (72,01) jáne Eýropa elderiniń kórsetkishinen (87,92%) joǵary.
Qazaqstannyń nátıjesi TMD elderi men IKAO-nyń Eýro-Azıattyq (EUR/NAT) aımaǵy boıynsha eń joǵary kórsetkishterdiń biri bolyp tabylady. Salystyrmaly túrde:
Ázerbaıjan - 74,66%
Ózbekstan - 85,47%
Qyrǵyzstan - 85,76%
Grýzıa - 89,75%
Belarýs - 91,85%
Reseı - 94,14%
Taıaý óńirlerde osyndaı kórsetkishter tómendegi elderde baıqalady: BAÁ - 98,4%, Katar -96,72%, Saýd Arabıasy - 94,41%.
Qazaqstannyń avıasıalyq qaýipsizdik boıynsha aldyńǵy kórsetkishi 83% bolatyn.
Qazirgi kórsetkish avıasıalyq qaýipsizdik salasyndaǵy negizgi zańnama, avıasıalyq qaýipsizdik baǵdarlamalary men erejeleri, avıasıalyq qaýipsizdik salasyndaǵy ýákiletti organ jáne onyń mindetteri, personaldyń biliktiligi men oqytylýy, tehnıkalyq usynymdar, quraldar jáne qaýipsizdik úshin mańyzdy aqparat berý, sertıfıkattaý jáne bekitý jónindegi mindettemeler, sapany baqylaý boıynsha mindettemeler, qaýipsizdik máselelerin sheshýsıaqty avıasıalyq salanyń mańyzdy elementteri boıynsha qaýipsizdiktiń joǵary deńgeıiniń kórinisi bolyp tabylady.
Osy kórsetkishterdiń sáıkestigi qazaqstandyq áýejaılardyń qaýipsizdiginiń joǵary deńgeıin kórsetedi, bul áýe kompanıalar tarapynan senimniń ósýine, sondaı-aq AQSH-qa tikeleı reısterdi ashý úshin ushýlardyń birinshi sanatyn alýǵa yqpal etedi.
IKAO-nyń joǵary baǵasy elimizdiń avıasıalyq salasynda 2019 jyldan bastap iske asyrylǵan keshendi reformalardyń, Qazaqstannyń avıasıalyq ákimshiligin damytýdyń, mamandardyń biliktiligin arttyryp, táýekelge baǵdarlanǵan baqylaý tetikterin engizýdi qosa alǵanda, bıik nátıjelerdiń kórsetkishi. Sondaı-aq bul Qazaqstannyń jahandyq avıasıalyq qaýipsizdik júıesine joǵary ıntegrasıalanýyn rastaıdy.
Aýdıt qorytyndysy – bul Qazaqstannyń jolaýshylar men avıasıa ındýstrıasy úshin qaýipsiz jáne yńǵaıly áýe qatynasyn qamtamasyz etýge baǵyttalǵan halyqaralyq standarttarǵa beıildiliginiń mańyzdy dáleli.