Eldos Smetov Parıj Olımpıadasynan keıin ekinshi márte el chempıonatynda kúrespeıdi. Bul týraly federasıanyń habarlalamasynda otandyq tanymal tatamı sheberiniń qurmetti qonaq retinde qatysatyny aıtyldy,- dep habarlaıdy Aqshamnews.kz.
Semeıde 10-13 qarasha kúnderi aralyǵynda ótetin QR chempıonatynda elimiz boıynsha 17 oblys pen 3 qaladan 20 qurama balýandary synǵa túspek. 10 qarasha erler 60, 66 kelide kúresse, áıelder 48, 52 kelide beldesedi. 11 qarashada erler 73, 81, áıelder 57, 63, 70 kelide kúresedi. Al 12 qarasha erler 90, -100, +100 kelide el úzdikterin anyqtasa, áıelder -78, +78 kelide synǵa túspek. Chempıonatty sońǵy jarys kúninde óńirler komandalyq synda el birinshiliginiń jeńimazy ataný úshin baryn salady.
Aıta ketetin jaıt, byltyrǵy jyly QR chempıonaty Aqtóbe qalasynda ótti. Bul synda úzdik atanǵan otandyq balýandar bıyl ótken álem chempıonatynda júlde alǵan joq.
Al Eldos Smetov 2024 jyldyń shilde aıynda Olımpıada chempıony atanǵan soń quramanyń jattyǵý jıyndaryna qosylmady. Aldyn ala málimet boıynsha, álemdik dzúdoda 60 keliniń úzdigi qańtar aıynda quramamen birge jattyǵa bastaýy múmkin.