2027 jyly paromdardyń sanyn tórteýge jetkizý josparlanyp otyr.
Smaıylov tezirek keme zaýytyn salatyn ınvestor tabýdy tapsyrdy, dep habarlaıdy Almaty-akshamy.kz
Onyń aıtýynsha, eldegi teńiz porttarynyń áleýeti óte joǵary. Olar arqyly qazirgiden 3 ese kóp júkti aýystyryp-tıeýge bolady.
"Sondyqtan eldegi ınfraqurylymnyń múmkindikterin barynsha tıimdi paıdalaný úshin talapqa saı kelmeıtin jerlerdiń bárin retke keltirý qajet. Atap aıtqanda, kemelerdiń, ásirese parom tapshylyǵyn sheshýge tıispiz. Ol úshin shetelge tapsyrys berýge májbúrmiz", - deıdi Smaıylov úkimet otyrysynda.
Ol alǵashqy paromdardyń qurylysy aldaǵy jyly bastalatynyn atap ótti. 2027 jyly olardyń sanyn 4-ýge jetkizý josparlanyp otyr.
"Ókinishke qaraı, Qazaqstanda keme jasaıtyn zaýyt joq. Ony salý máselesin tezdetip qarap, ınvestor tartý úshin sheshim qabyldaý qajet", - dedi Smaıylov.
Sondaı-aq premerdiń aıtýynsha, temirjol toraptary men porttarǵa deıingi kirme joldardy keńeıtý máselesi de ózekti bolyp otyr. Júkterdi rásimdeýge qatysty suraqtar bar.
Kólik mınıstrliginiń aqparatynsha, qazir Aqtaý jáne Quryq porttarynyń ótkizý qýaty 21 mln tonnany quraıdy.