Qazaqstanǵa 2021 jyly jalpy salynǵan tikeleı sheteldik ınvestısıa kólemi 23,6 AQSH mlrd dollaryn qurap, 2020 jylǵy kórsetkishten 6,4 AQSH mlrd dollar artyq kórsetkishke jetti. Qazaqstanǵa eń kóp ınvestısıa salǵan elderdiń alǵashqy úshtiginde Nıderland, AQSH pen Shveısarıa tur, dep habarlaıdy Almaty-akshamy.kz İnbusiness.kz silteme jasap.
Qazaqstannyń munaı salasyna ınvestısıa salatyn Nıderland 2020 jyly 5,1 mlrd AQSH dollary kóleminde tikeleı ınvestısıa salsa, byltyr bul kórsetkish 6,9 mlrd AQSH dollaryna ósken. Osylaısha, Nıderland Qazaqstanǵa ınvestısıa salý jaǵynan birneshe jyldan beri kósh bastap keledi.
Bul tizimde ekinshi orynda AQSH tur. Bul memleket Qazaqstanǵa salynǵan ınvestısıa kólemin 22 paıyzǵa arttyryp, 2,8 mlrd AQSH dollaryna jetkizgen.
Úshinshi oryndaǵy Shveısarıa da tikeleı ınvestısıany 0,9 mlrd AQSH dollaryna arttyrdy. Al tórtinshi oryndaǵy Reseı 0,8 mlrd AQSH dollaryna kóbeıtti. Alǵashqy bestikti túıindeıtin Qytaı 2021 jyly tikeleı ınvestısıany "pandemıaly" 2020 jylǵa qaraǵanda shamamen eki ese arttyryp, 1,8 mlrd dollarǵa jetkizgen.
Budan keıingi oryndarda turǵan Belgıa, Ulybrıtanıa, Ońtústik Koreıa, Túrkıa elderi de tikeleı ınvestısıany kóbeıtkeni baıqalady.
2020 jyly tizimde toǵyzynshy turǵan Ońtústik Koreıa byltyr tikeleı ınvestısıa kólemin 805,5 mln dollarǵa jetkizip, segizinshi orynǵa kóterilgen. Al Fransıa ınvestısıa kólemin azaıtqan.
