EO reseılik kómir ımportyna tyıym salady
Eýroodaq elderi reseılik qazbaly otyn ımportynan túbegeıli bas tartý jaǵyn qarastyra bastady, dep habarlaıdy Almaty-akshamy.kz «Habar 24»-ke silteme jasap.
Bul týraly Eýropalyq komısıa basshysy Ýrsýla fon der Láıen málimdedi. Onyń aıtýynsha, mundaı shekteý Reseıge qarsy daıyndalyp jatqan sanksıalardyń besinshi paketine kiredi. Budan bólek, Fon der Láıen jeke tulǵalar kiretin sanksıalyq tizimdi keńeıtetinin de jetkizdi.
- Sanksıanyń jańa paketinde reseılik kómir ımportyna tyıym salý qarastyrylǵan. Onyń ishinde reseıdiń 4 negizgi bankimen qandaı da bir operasıa júrgizýden bas tartý da bar. Budan bólek, Eýroodaq elderi reseılik kemelerge odaq porttaryna kirýge tyıym salmaq. Dál sondaı tyıym júk kólikterine de qatysty. Sonymen qatar Reseıge jartylaı ótkizgishter men kólik quraldaryn eksporttaý jaǵyn da toqtatýy kózdep otyrmyz, - deıdi Eýropalyq komısıanyń tóraǵasy Ýrsýla Fon Der Láıen.