Ótinim qabyldaý búgin bastalady.
Stýdentter aǵylshyn nemese qytaı tilinde oqıdy, dep habarlaıdy Almaty-akshamy.kz Halyqaralyq baǵdarlamalar ortalyǵynyń baspasóz qyzmetine silteme jasap.
Qytaı Qazaqstan azamattary úshin bakalavrıat, magıstratýra jáne doktorantýra baǵdarlamalaryna 113 bilim grantyn bóldi.
Granttar úkimetaralyq kelisim aıasynda usynylyp otyr.
Grantqa ótinimder 19 qańtardan 3 aqpanǵa deıin Egov.kz elektrondy úkimet portaly arqyly nemese tikeleı Halyqaralyq baǵdarlamalar ortalyǵy arqyly qabyldanady.
«Tirkelý kezinde talapker oqý baǵdarlamasyn, ýnıversıtetti jáne mamandyqty tańdaıdy. Qazaqstandyq stýdentterge Qytaıdyń 250-den astam jetekshi joǵary oqý oryndarynyń tańdaýy usynylady. Eýropa men Azıanyń 10 elinde bakalavrıat, magıstratýra jáne doktorantýrada tegin bilim alýǵa barlyǵy 500-ge jýyq grant bólinedi», - dedi Halyqaralyq baǵdarlamalar ortalyǵynyń basqarma tóraǵasy Ánýar Janǵozın.
Grant akademıalyq oqý aqysyn, jataqhanada turýdy, medısınalyq saqtandyrýdy qamtıdy jáne stýdentterge aı saıyn stıpendıa tólenedi.