Álemniń 180 eliniń memlekettik týyn jatqa biletin Ergen Dúısenbek 6 jasta.
Astana qalasyndaǵy mektepterdiń biriniń oqýshysy Ergen Dúısenbek Oqý-aǵartý mınıstri Ǵanı Beısembaevpen kezdesti, dep habarlaıdy Almaty-akshamy.kz mınıstrliktiń Telegram-arnasyna silteme jasap.
Kezdesýge Ergen týlar jınaǵyn ákelip, bilimin kórsetti. Kishkentaı bilimpazdyń armany osy elderdiń bárin aralap, kózben kórý eken.
Ergen álemniń barlyq memleketiniń týyn bilgenmen, sonyń ishindegi eń ádemisi bizdiń eldiń týy dep esepteıdi.
«Men eseıgende ataqty adam bolyp, kók baıraǵymyzdy búkil álemge tanytyp, kókke kótergim keledi», – deıdi Ergen Dúısenbek.
Oqý-aǵartý mınıstri Ǵanı Beısembaev birinshi synyp oqýshysy Ergen Dúısenbekpen áńgimelesip, oǵan gramota men estelik syılyqtar tabys etti.
Mınıstr Ergenniń ata-anasyna aqyldy jáne bilimdi urpaq tárbıelegenderi úshin alǵys aıtty.