Onyń ishinde, 16 trln teńgesi tutynýshylyq nesıe, dep habarlaıdy aqshamnews.kz Qarjy naryǵyn retteý jáne damytý agenttiginiń deregine silteme jasap.
Agenttiktiń málimetinshe, 2025 jylǵy 1 qyrkúıektegi jaǵdaı boıynsha Qazaqstanda jeke tulǵalarǵa berilgen nesıelerdiń jalpy kólemi 22,7 trln teńgege jetti.
Tamyz aıynda bankter qazaqstandyqtarǵa 1,8 trln teńge kóleminde nesıe bergen, bul tutynýshylyq nesıeler portfeliniń ulǵaıýyna sebep boldy.
«Tutynýshylyq nesıeler tamyz aıynda 2,1%-ǵa ósip, 16 trln teńgege jetti. Ipotekalyq qaryzdar 2,5%-ǵa artyp, 6,6 trln teńgege jetti. Onyń ishinde naryqtyq ıpoteka 3,8%-ǵa ósip, 2,1 trln teńgege jetti», – delingen agenttik habarlamasynda.
Teńgedegi tutynýshylyq nesıeler boıynsha mólsherlemeler joǵary deńgeıde qalyp otyr — 21,5%, al ıpoteka boıynsha – 8,6%.
Sonymen birge, kredıttik portfel sapasy tómendegen: 90 kúnnen astam merzimi ótken bereshekterdiń úlesi (NPL90+) 4,5%-ǵa (1,07 trln teńge) deıin ósti. Bul kórsetkish jyldyń basynda 3,8% bolǵan.
«Mundaı nesıeler boıynsha provızıalarmen qamtylý deńgeıi 65,4%», – dep naqtylady agenttik.
Qyrkúıek aıyna qaraı bankterdiń aktıvteri 66,6 trln teńgege jetti, al sektordyń segiz aıdaǵy tabysy 14,7%-ǵa ósip, 1,8 trln teńgeden asty.