İshki ister mınıstrligi azamattardyń jeke derekteriniń zańsyz taralý arnalaryna tosqaýyl qoıý boıynsha júıeli jumystar júrgizýde.
İİM-niń kıberqylmysqa qarsy is-qımyl departamenti Ulttyq qaýipsizdik komıtetimen birlesip, qazaqstandyqtardyń jeke málimetterin ınternette zańsyz satqan qylmystyq toptyń jolyn kesti, dep habarlaıdy aqshamnews.kz Polisia.kz-ke silteme jasap.
- Aqparattar memlekettik bazalardan zańsyz alynǵan jáne Telegram arqyly taratylǵan, onyń ishinde keıbir kolektorlyq kompanıalarǵa berilgen. 140-tan astam adam, onyń ishinde kompanıa ıeleri men arna ákimshileri ustaldy. Qazirgi tańda bes kúdikti qamaýǵa alyndy. Tintý barysynda 400-den astam kompúterlik jáne basqa da elektrondyq tehnıka tárkilendi, - dedi İİM kıberqylmysqa qarsy is-qımyl departamentiniń bastyǵy Jandos Súıinbaı.
Qylmystyq kodekstiń 205-baby 3-bóligi (aqparattyq júıege zańsyz qol jetkizý), 147-baby 5-bóligi (jeke ómirge qol suǵý jáne jeke derekter týraly zańnamany buzý), sondaı-aq 211-baby 3-bóligi (shekteýli elektrondyq aqparattyq resýrstardy zańsyz taratý) boıynsha qylmystyq ister qozǵaldy. - Osy zańsyz áreketke qatysy bar adamdardyń tolyq sheńberi anyqtalýda, - dedi Jandos Súıinbaı. İshki ister mınıstrligi azamattardyń sıfrlyq qaýipsizdigin buzatyn quqyqqa qarsy áreketterdiń jolyn kesý jáne jeke derekterdiń taralýyna jol bermeý baǵytyndaǵy júıeli jumystardy jalǵastyrýda.