HR Enbek eńbek resýrstary portalynda jumys berýshi men kásipodaq uıymy arasynda elektrondyq ujymdyq shartty jasasý múmkindigi bar.
Kásipodaq ókili portaldaǵy jeke kabınette ujymdyq shart jobasyn jasaıdy jáne ony jumys berýshige kelisý úshin jiberedi. Jumys berýshi EUSH jobasyn bekitken kezde ol eńbek zańnamasynyń saqtalýyn tekserý úshin avtomatty túrde memlekettik eńbek ınspektorynyń jeke kabınetine jiberiledi. Memlekettik ınspektor bekitkennen keıin qujatqa jumys berýshi qol qoıa alady, dep habarlaıdy aqshamnews.kz.
Paıdalanýshylarǵa yńǵaıly bolý úshin júıe EUSH-pen jumystyń barlyq kezeńderinde: jobaǵa qol qoıǵanda, ony qaıta qaraýǵa jibergen kezde, memlekettik eńbek ınspektory qujatty qabyldaǵannan nemese qabyldamaǵannan keıin avtomatty túrde jumys berýshige jáne kásipodaq uıymyna habarlamalar jiberedi.
Qol qoıylǵan EUSH kásipodaq úshin de, jumys berýshi úshin de kórýge jáne júktep alýǵa qoljetimdi bolady. Onyń túpnusqalyǵyn elektrondy qujatta ornalastyrylǵan QR kody arqyly tekserýge bolady.
Ujymdyq sharttardyń elektrondyq formatyn engizý eńbek qatynastarynyń zańdylyǵy men ashyqtyǵyn arttyrýǵa, jumys berýshiniń qabyldaǵan mindettemelerdiń oryndalýyna baqylaýdy qamtamasyz etýge, jumys oryndarynyń sapasyn baqylaýǵa múmkindik beredi.