Almatydaǵy Arbatta Dımash Qūdaıbergenníń ánín dálme-dál oryndaǵan segíz jastaǵy balanyń beınesín kórgen bolarsyz. Vırusqa aınalǵan vıdeo úsh kúnníń íshínde 2 mıllıonǵa juyq qaralym jınap, túrlí pablıkterde tarap kettí. Jūrt vıdeodaǵy kíshkentaı darynnyń óneríne tántí bolyp, jyly píkírín jaudyryp jatyr. Eldíń yqylasyna bólengen bala kím? Aqshamnews.kz tílshísí "kíshkentaı Dımashty" anyqtap, anasymen tíldestí.
Jelí jūldyzyna aınalǵan balanyń esímí - Ádíl Bektūrsyn. Nebárí segíz jastaǵy zor dauys ıesí bıyl Almaty qalasyndaǵy, S.Kópbaev atyndaǵy №186 orta mekteptíń úshínshí synybyn támamdaǵan. Ánge úsh jasynan áues. Qazír Qūrmanǵazy atyndaǵy muzykalyq mektepte fortepıano synybynda oqıdy. Ádíl búgínge deıín túrlí án baıqaularyna qatysyp, 50-den astam dıplom men alǵys hat ıelengen.
"Ádíl án aıtqanda janyn salyp aıtady"
Ádíldíń anasy Maqpal Tūrysbekova ūlynyń ónerge degen qadamy jaıly áńgímelep berdí. Bastapqyda Maqpal hanym Ádíldí ánge ózí baulyǵan.
"Ádíl 3 jasynan án aıta bastady. Alǵashynda ózím úırettím. Keıín úıírmelerge qatysa bastady. Byltyr Qūrmanǵazy atyndaǵy balalar muzykalyq mektebíne túsíp, bıyl fortepıano synybyn ayaqtadyq. Qalalyq, halyqaralyq baıqaulardan kóp júldesí bar. "Bala Show" festıvalínde, qaıyrymdylyq kontsertterde án shyrqaǵan. Bíraq Arbattaǵy beınejazba – jūrtqa tanylǵan alǵashqy sátí. Ádíl ózí ūyalshaq, bíraq án aıtqanda esh ūyalmaıdy. Janyn salyp aıtady. Sahnany saǵynyp júredí", – deıdí anasy.
"Áleumettík jelíníń myqtylyǵynan bír kúnde tanymal boldyq"
Maqpal hanym ūlynyń būǵan deıín Astanada, Esíl boıyndaǵy muzykanttarmen bírge án shyrqaǵanyn aıtty. Halyqtyń qoshemetí ūnap, Ádíl būl sáttí taǵy da qaıtalaǵysy kelgen. Anasy "Almatyda taǵy da aıtamyz" degen uádesín oryndaǵan.
"Arbattaǵy ónerín beınejazbaǵa túsíríp, Instagram men TikTok-qa júktegen – Áset Serǵazy esímdí azamat eken. Sol kísíníń arqasynda balamyz bír kúnde tanymal bolyp shyǵa keldí. Alǵashqy bolyp Astanadaǵy tanysymyz habarlasyp, “balalaryń jelíde júr” dedí. Ózímíz áleumettík jelíge kóp úńíle bermeıtín edík, bíraq sol sátte onyń qanshalyqty quatty qūral ekenín túsíndík. Adamdardyń jyly píkírlerín oqyp, ózímíz de, Ádíl de shyn quanyp júr. Árbír píkír men jazylushyǵa rıza bolyp jatyrmyz", – deıdí Ádíldíń anasy.
Ádíldíń armany ne?
Ádíldíń kumırí – Dımash Qūdaıbergen. Onyń kóp ánín jattap alyp, bírge qosylyp aıtady. Arbatta shyrqaǵan “Lyubov ustavshıh lebedeı” ání de – súıíktí tuyndylarynyń bírí.
"Ádíl ózí kíshkentaı bolsada Dımashtyń úlken jankúıerí. Dımashtyń ánderín súısíne tyńdaıdy jáne repertuaryndaǵy bíraz ánín bírge qosylyp shyrqaıdy. Dımashtyń shyǵarmashylyǵyna qyzyǵyp, sahnada oryndap júrgeníne bír jyldaı bolyp qaldy. Onymen bírge óner kórsetu - úlken armany", – deıdí anasy.
"Balam elíne eleulí azamat bolsa eken deımín"
Ádíl án aıtyp qana qoımaı, fortepıanoda oınaıdy, shahmat pen toǵyzqūmalaqqa da qyzyǵady. Típtí shahmattan 4-razryad alǵan. Bíraq mektep pen muzykaǵa bírdeı uaqyt bóle almaǵan soń, shahmatty uaqytsha doǵarǵan. Al án – basty hobbıí.
"Ádíl bolashaqta konservatorıyaǵa túsíp, opera ánshísí bolamyn deıdí. Bíz árıne onyń qalauyn qoldaımyz. Balam elíne eleulí, halqyna qalauly azamat bolsa eken deımín. Árbír jyly lebízín jaudyryp jatqan jūrtqa alǵys aıtamyn", – deıdí Maqpal Tūrysbekova.
Aıta keteıík, Ádíldíń vıdeosyn Aqshamnews.kz jelíge júktegen soń, tanymal tūlǵalar da baıqap, túrlí ūsynystar túsken. Kúıshí Asylbek Ensepov redaktsıya tílshsímen baılanysqa shyǵyp, Ádíldí úlken sahnada óner kórsetuge shaqyrdy.