El turǵyndarynyń shamamen 68,92%-y daýys berýge barmaq.
Sońǵy kúnderi sarapshylar ótkizgen áleýmettik saýalnamalar konstıtýsıalyq túzetýler boıynsha referendým ıdeıasyn qazaqstandyqtardyń qoldaýy artqanyn kórsetedi, dep habarlaıdy Almaty-akshamy.kz
Saýalnamaǵa qatysqan qazaqstandyqtardyń 78,52%-y referendým bıylǵy jyldyń 5 maýsymynda ótetinin biledi, al qazaqstandyqtardyń 72,01%-y referendým ótkizý ıdeıasyn qoldaıdy. Bul rette qazaqstandyqtardyń shamamen 68,92%-y daýys berýge barýdy josparlap otyr. Óz tańdaýyn áli aıqyndamaǵandar – 21,79%. Referendým týraly habardar bolý kórsetkishteri 7%-ǵa, kelý nıetiniń kórsetkishteri 2%-dan astam ósti.
Áleýmettik zertteýdi 17-19 mamyrda QR Prezıdenti janyndaǵy Ortalyq komýnıkasıalar qyzmeti onlaın-saýalnama ádisimen júrgizildi. İriktemege 18 jasqa tolǵan jáne odan asqan 4000 respondent alyndy.
Saýalnama oryndary retinde Nur-Sultan, Almaty, Shymkent qalalary jáne eldiń 14 oblysy tańdaldy.