Osy maqsatta jumys júrgizip jatyr.
Qazaqstan Eýroodaq elderimen vızalyq tepe-teńdikke qol jetkizip, Shengen vızasyn alý úshin alynatyn alymnyń qunyn tómendetýge nıetti, dep habarlaıdy Almaty-akshamy.kz Inbusiness.kz.
Qazaqstandyqtar úshin Shengen vızasyn alý kórshi Reseı azamattaryna qaraǵanda qymbatyraq. Qazaqstannyń kámeletke tolǵan azamattary úshin konsýldyq alym mólsheri 80 eýrony, reseılikter úshin 35 eýrony quraıdy.
«Túsindirińizshi, alym nelikten eki eseden joǵary? Sonymen qatar, Shengen elderiniń azamattary Qazaqstanǵa 90 kúnge deıin múldem vızasyz kele alady. Úkimet vızalyq tepe-teńdikke qol jetkizý bylaı tursyn, vızalyq shyǵyndardy azaıtýmen aınalysyp jatyr ma?» – dep surady Syrtqy ister mınıstri Muhtar Tileýberdi «Ashyq úkimet» alańynda.
SİM basshysy vıza berý úshin konsýldyq alym mólsherin qalyptastyrý árbir memlekettiń aıryqsha quzireti bolyp tabylatynyn, biraq Syrtqy ister mınıstrligi onyń qunyn tómendetý boıynsha jumys júrgizip jatqanyn atap ótti.