Bul norma eski nómirlerge de qatysty.
Telefon alaıaqtyǵymen kúresý úshin nómir satyp alǵanda bıometrıalyq sáıkestendirý engiziledi, dep habarlaıdy Almaty-akshamy.kz
Bul týraly sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın aıtty.
«Biz uıaly telefondy tirkeý kezinde bıometrıalyq sáıkestendirýdi engizemiz. Áıtpese qazir bir adamnyń atyna bálen nómir rásimdeledi, olar shetelge shyǵarylady. Sol arqyly alaıaqtar aram oılaryn júzege asyra bastaıdy. Munyń aldyn alý úshin biz normatıvtik-quqyqtyq qujattarǵa qajetti ózgerister engizip jatyrmyz. Tehnıkalyq turǵydan daıynbyz», - dedi Mýsın.
Mınıstrdiń pikirinshe, osydan keıin myńdaǵan nómir satyp alyp, ózine rásimdeıtin adamdar sany azaıady.
«Eger bul nómirler arqyly alaıaqtyq jasalsa, onda onyń ıeleri jaýapqa tartylady. Áıtpese qazir olar biz bilgen joqpyz dep aqtalady. Al bıometrıalyq sáıkestendirý kezinde adam nómirdi satyp alarda bul shynymen de óz nómiri ekenin rastaıdy», - dep túsindirdi Mýsın.
Ol bul norma tek jańa nómirler úshin ǵana emes, eski nómirler úshin de engiziletinin atap ótti.