Kire beristegi termınalda qosymsha tekserý jelisi qoıyldy.
Almaty áýejaıynda tekseris kúsheıtildi. Jolaýshylardyń endi reıske erterek kelgeni jón, dep habarlaıdy Almaty-akshamy.kz.
Búginen bastap Almaty halyqaralyq áýejaıynda tekseris kúsheıtildi. Iaǵnı, áýejaıǵa kire beristegi termınalda qosymsha tekserý jelisi qoıyldy.
«Qazaqstannyń avıasıalyq ákimshiliginiń ókimi boıynsha 12 qyrkúıekten bastap, jedel-aldyn alý is-sharalaryn júrgizýge baılanysty Almaty halyqaralyq áýejaıynda avıasıalyq qaýipsizdikti kúsheıtý sharalary engizildi. Halyqaralyq tirkeý zalynyń aldyna qosymsha tekserý jelisi qoıyldy», - delingen áýejaıdyń baspasóz qyzmetiniń habarlamasynda.
Jolaýshylarǵa reısterine keshigip qalmas úshin áýejaıǵa erterek kelý usynyldy.
Aıta keteıik, bul qaýipsizdik sharasy 30 qyrkúıekke deıin jalǵasady.