Qazaqstandyqtar endi orta jáne joǵary bilim týraly qujattardyń túpnusqalyǵyn eGov Mobile qosymshasy arqyly teksere alady, dep habarlaıdy aqshamnews.kz
Bul týraly «Ulttyq aqparattyq tehnologıalar» aksıonerlik qoǵamynyń baspasóz qyzmeti jazdy.
«Bul qyzmet joǵalǵan qujattar men sheteldegi joǵary oqý oryndarynda alǵan bilim týraly qujattarǵa da qatysty. Buǵan deıin mundaı qyzmetti tek eGov.kz portalynda paıdalanýǵa bolatyn edi.»
Qyzmetti alý úshin kelesi qadamdardy oryndaý qajet:
- Avtorızasıadan ótý;
- «Bilim» bóliminde «Orta, tehnıkalyq jáne kásibı, joǵary bilim týraly qujattardy moıyndaý» qyzmetin tabý;
- Qajetti málimetterdi toltyryp, qujattardy júktep, jeke derekterdi paıdalaný týraly kelisim berý;
- Face ID/Touch ID arqyly ótinishti qol qoıý.
Qujattardy elektrondy formatta jeke kabınette nemese qyzmet kórsetýshiniń móri men qoltańbasymen qaǵaz túrinde alýǵa bolady.