2022 jylǵy Qytaı astanasy Beıjiń qalasynda ótetin XXIV Qysqy Olımpıada oıyndaryna Qazaqstan quramasy erteń, ıaǵnı 27 qańtar kúni, attanady, dep habarlaıdy Almaty-akshamy.kz
Qazaqstan Ulttyq Olımpıada komıtetiniń habarlaǵanyndaı, qazirgi tańda qazaqstandyq atletter jabyq karantın aımaqtarynda ornalasqan. Komandanyń negizgi bóligi Nur-Sultan men Almaty arqyly charterlik reıspen Qytaıǵa ushady.
Al shetelderde oqý-jattyǵý jıynda júrgen sportshylar jeke grafık boıynsha Beıjińge sol ózderi turǵan elden tike ushyp barady.
Aıta keteıik, atalǵan Aq Olımpıadada elimizdiń namysyn 34 sportshy qorǵaıdy. Olar qysqy sport túrleriniń ishinde sporttyq shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen júldeli oryndarǵa talasady.
Olımpıada oıyndary 4 aqpan kúni bastalyp, 16 aqpanda máresine jetedi. Aldyn ala málimetter boıynsha, bul oıyndarǵa álemniń 95 elinen 4 myńnan astam sportshy qatysady. Onda 109 medal jıyntyǵy sarapqa salynady.