Arnaıy júldemen marapattaldy.
Qazaqstandyq tenısshiler Grıgorıı Lomakın, Iaroslav Pshenıchnyı jáne Taıyr Qaıretdınov halyqaralyq týrnırlerdiń fınalısi atandy, dep habarlaıdy Almaty-akshamy.kz QTF-ǵa silteme jasap.
Lomakın juptyq synda brazılıalyq Igor Hımenespen birge Vakarıada (Brazılıa) ótken ITF jarysynda (júlde qory – 25 myń dollar) fınalǵa deıin jetti.
Sońǵy básekede Grıgorıı men Igor tartysty machta brazılıalyqtar Joao Loýreıro – Gýstavo Heıdege ese jiberdi – 6:3, 6:7 (5:7), 5:10.
Túrkıada 14 jasqa deıingiler arasynda úshinshi sanattaǵy Tennis Europe dodasynda Pshenıchnyı men Qaıretdınov fınalda reseılik Kartsev pen túrkıalyq Baıbarysqa jol berdi – 4:6, 2:6.
Ispanıada Rafael Nadal akademıasynda 12 jasqa deıingiler arasynda TEN-PRO Global Junior Tour týrnıri máresine jetti. Oǵan Astana men Petropavl tenıs mektebiniń tárbıelenýshileri qatysty. Astanalyq Polına Lazarenko úshinshi orynǵa kóterilse, Abylaı Tóleýbaev «Týrnırdiń úzdik oıynshysy» atalymy boıynsha arnaıy júldemen marapattaldy.