Qazaqstandyq aktrısa Arýjan Jazylbekova 39 jasynda alǵash ret ana atandy, - dep habarlaıdy Aqshamnews.kz tilshisi. Bul týraly aktrısa áleýmettik jelide bólisti.
39 jastaǵy aktrısa qýanyshty jańalyǵyn jubaıy Erjan Aldabergenovpen birge Instagram paraqshasynda jarıalady. Erli-zaıyptylar Arýjannyń júktiliginiń sońǵy kezeńinde túsirilgen áserli vıdeony bólisip, qyzynyń dúnıege kelgen kúnin de jarıa etti.
«Biz uzaq ýaqyt seni qashan kóretinimizdi kútip júrdik. Sen ákeńniń eń baqytty sanyn tańdadyń - 11.11.25. Osy kúni bizdiń Sarataıymyz dúnıege keldi. Biz eń baqytty ata-anamyz», - dep jazdy jubaılar.
Jeli qoldanýshylary men áriptesteri jas ata-analardy quttyqtap, jyly tilekterin jaýdyrdy:
«Qutty bolsyn!», «Sábıge myqty densaýlyq», «Qýanyshtaryńyz kóp bolsyn» degen pikirler vıdeo astynda san myńdap jınalyp jatyr.
Arýjan men Erjannyń qarym-qatynasy jaıly ne belgili?
Arýjan men Erjannyń qarym-qatynasy birneshe jyl buryn jarıa boldy. Olardyń alǵashqy ortaq sýretteri 2021 jyly Instagram-da paıda bolǵan. 2022 jyly Erjan Aldabergenov aktrısaǵa Kólsaı kóliniń jaǵasynda usynys jasaǵan bolatyn.
Erjan Aldabergenov - "Barys" hokeı klýbynyń burynǵy bas menedjeri, qazirgi ýaqytta rejıser Kanat Beısekeev júrgizetin Zamandas podkastynyń avtorlarynyń biri.
Aktrısanyń shyǵarmashylyq joly
Arýjan Jazylbekova - 1986 jyly Almatyda dúnıege kelgen. Balalyq shaǵynda sporttyq bımen jáne at sportynan sabaq alǵan. Keıin KIMEP-te halyqaralyq jýrnalısıka mamandyǵyn oqyǵan.
Onyń mansaby modeldik ındýstrıadan bastaldy: 2003 jyly Ford Models Super Model of the World baıqaýynyń irikteý kezeńinde jeńiske jetip, Nú-Iorktegi álemdik fınalda TOP-10 qataryna engen. Keıin Parıjde jumys istedi, Eýropa podıýmdarynda óner kórsetti.
Kınodaǵy debúti 2010 jyly Toqtar Qarsaqbaevtyń «Mahabbat terbelisi» fılmindegi basty rólden bastalǵan. Odan keıin «Asel, drýzá ı podrýgı», «Serdse moe, Astana», «Ograblenıe po-kazahskı», Kann festıvaliniń Short Film Corner baǵdarlamasyna engen «Volnye ptısy» syndy jobalarda oınady. Sońǵy jyldary «Reketır-2», «Anaǵa aparar jol», «Úıge aparar jol» fılmderindegi rólderimen tanyldy.