Qytaıǵa eki aptalyq kýrsqa 31 maman attandy.
Buǵan deıin kórshiles elde 30 adamnan turatyn eki top bilim alǵan bolatyn. Jalpy bıyl Qytaıda qazaqstandyq sý salasynyń 121 mamany biliktiligin arttyrady, dep habarlaıdy aqshamnews.kz.
Oqý Qytaı tarapynyń qarajaty esebinen uıymdastyryldy, oǵan Qazaqstan Respýblıkasynyń memlekettik búdjetinen qarajat bólinbegen.
Qazirgi ýaqytta Sý resýrstary jáne ırrıgasıa mınıstrligi Qytaımen birlesken oqytý baǵdarlamasyn jalǵastyrý týraly kelissózder júrgizip jatyr.
«Sáýir jáne mamyr aılarynda biz Qytaıǵa 30 adamnan turatyn eki top jiberdik, olar oqýlaryn sátti aıaqtady. Al úshinshi toptyń quramynda sý salasynyń 31 mamany Qytaıǵa sý resýrstaryn basqarý jáne aǵyndy sýlardy tazartý taqyrybyndaǵy kýrsqa attandy. Bul oqýlar Prezıdent Joldaýynda aıtylǵan, sý salasyna bilikti mamandardy júıeli túrde daıyndaý qajettiligine baılanysty qolǵa alynǵan sharalardyń biri»,– dedi Sý resýrstary jáne ırrıgasıa vıse-mınıstri Aslan Abdraımov.