Halyqaralyq jobanyń bastamashysy – Beıjiń bı akademıasy, al is-shara Bı biliminiń dúnıejúzilik alánsy (World Dance Education Alliance) qoldaýymen júzege asady, dep habarlaıdy aqshamnews.kz
Qazaq ulttyq horeografıa akademıasynyń stýdentteri Beıjiń bı akademıasynyń Dance Theatre sahnasynda ótetin "Sulýlyqpen úndestik: Bı boıynsha bilim berýdegi álemdik almasý" atty halyqaralyq kórsetilimge qatysady.
İs-sharaǵa 38 elden 70-ten astam jetekshi horeografıalyq oqý orny qatysýda. Beıjiń bı akademıasy júrgizgen qatań irikteý nátıjesinde Qazaq ulttyq horeografıa akademıasynyń stýdentteri úzdik qatysýshylardyń qataryna enip, Qazaqstan atynan halyqaralyq sahnada óner kórsetý mártebesine ıe boldy.
Kórsetilim baǵdarlamasyna P. I. Chaıkovskııdiń "Uıqydaǵy arý" baletinen Avrora men Dezıreniń pa-de-de nómiri engen.
Akademıa stýdentteriniń bul halyqaralyq jobaǵa qatysýy qazaqstandyq balet ónerin álemdik deńgeıde tanylýyna yqpal eteri anyq.