Osy aptada oqý jylynyń birinshi toqsany aıaqtalady, dep habarlaıdy aqshamnews.kz
Oqý-aǵartý mınıstrligi mektep oqýshylary kúzgi kanıkýl kezinde neshe kún demalatynyn jarıalady.
"Kúzgi kanıkýl kezeńi 2025 jyldyń 27 qazanynda bastalyp, 2 qarashany qosa alǵanda jeti kúnge sozylady", - delingen resmı habarlamada.
Osylaısha, mektep oqýshylary kúzgi kanıkýl kezinde 7 kún demalady. Al olardyń bos ýaqytyn tıimdi ótkizý jáne jeke tulǵalyq qasıetterin damytý maqsatynda "Adal azamat" birtutas tárbıe baǵdarlamasy aıasynda is-sharalar jospary usynylady.
Jospar patrıotızm, ádilettilik jáne jaýapkershilik sıaqty qundylyqtardy damytýǵa baǵyttalǵan is-sharalardy qamtıdy:
"Demalysta kitap oqımyz" is-sharasy;
"Býllıngten qorǵan! " qaýipsizdik sabaǵy;
"Mektep teatrynyń" jumysyn uıymdastyrý.
Osy oraıda mınıstrlik eń bastysy balalardyń qaýipsizdigin qamtamasyz etý qajettigin jetkizdi. Ol úshin ata-analarmen birge jol-kólik jaraqattarynyń aldyn alý is-sharalaryna, mekteptiń ishki tártibin saqtaý, balalardyń kóshedegi qaýipsizdigi, úıdegi órt qaýipsizdigi jáne kıberqaýipsizdik sharalaryna erekshe nazar aýdarǵan jón.