Reseıdiń Ekaterınbýrg qalasynda oqyp jatqan qazaqstandyq stýdentter koronavırýsqa qarsy dári jasaýǵa úles qosyp jatyr.
Oral federaldy ýnıversıtetiniń arnaıy ortalyǵynda molekýlalar standarttalyp, keıin dárilik zat shyǵarylady. Magıstratýrada bilim alyp jatqan stýdentter ǵylymı jumyspen aınalysyp jatyr, dep habarlaıdy Almaty-akshamy.kz.
Vırýsqa qarsy preparattan bólek, dıabetke qarsy tura alatyn dári jasalyp, qazir klınıkalyq zertteýden ótkizilip jatyr.
«Bizdiń ortalyqtyń strategıalyq maqsaty- dárilik zattarǵa aınalýy múmkin molekýlalardyń baǵyttalǵan sıntezi. Ozyq tehnologıalardy damytý kózdelýde. Ortalyqta birneshe magıstrlik baǵdarlamalar júzege asyrylady. Magıstratýrada shamamen 120 adam oqıdy. Bul stýdentterdiń barlyǵy naqty jobalarǵa qatysady», - deıdi hımıa ǵylymdarynyń kandıdaty Alısa Kozısına.