Ratbaı Myrzaqulov – 400-den astam ǵylymı jumystardyń avtory.
Fızıka-matematıka ǵylymdarynyń doktory Ratbaı Myrzaqulov «Álemdegi eń bedeldi ǵalymdardyń 2%» reıtıńine endi, dep habarlaıdy Almaty-akshamy.kz
Jyl saıynǵy reıtıńti Stenford ýnıversıtetiniń sarapshylary 2022 jylǵy 3 qarashada jarıalanǵan Elsevier ǵylymı baspasynyń sońǵy málimetterine sáıkes qurastyrǵan.
Stenford ýnıversıtetiniń zertteýshileri bıblıometrıalyq zertteý negizinde jyl saıyn álemdegi eń úzdik ǵalymdardyń reıtıńin jasaıdy. Zertteý eki derekqordan turady. Birinshi reıtıńte óz mansabynda jumystaryna eń kóp silteme jasalǵan ǵalymdar kórsetilse, al ekinshisinde sońǵy jylda jumystaryna eń kóp silteme jasalǵan ǵalymdar bar.
EUÝ profesory Ratbaı Myrzaqulov 2021 jyly eń kóp silteme jasalǵan avtor jáne óz mansabynda álemde jumystaryna eń kóp silteme jasalǵan ǵalym retinde qos tizimge de kirdi.
Jumystarǵa silteme jasaý áriptesterdiń ǵylymı jumys nátıjelerine joǵary baǵa bergenin kórsetedi. Meniń astrofızıka, gravıtasıa, kosmologıa jáne solıton teorıasyndaǵy ǵylymı eńbekterim joǵary dáıeksózge ıe boldy. Bul jas ǵalymdar úshin jaqsy úlgi bolady dep oılaımyn, - dep atap ótti Ratbaı Myrzaqulov.
Sondaı-aq, 2021 jylǵy úzdik ǵalymdar reıtıńine taǵy eki qazaqstandyq ǵalym Nurlan Orazalın jáne Sársenbek Montaev endi.
Nomınanttar Scopus derekqoryndaǵy jarıalanym belsendiligi men avtorlardyń dáıeksózderiniń joǵary kórsetkishteri boıynsha tańdaldy.
EUÝ profesory Ratbaı Myrzaqulov - ýnıversıtet janyndaǵy «Eýrazıa halyqaralyq teorıalyq fızıka ortalyǵy» ǵylymı-zertteý ınstıtýtynyń dırektory.
2022 jyly ǵalym ǵylymı jetistikteri úshin fızıka jáne astronomıa boıynsha halyqaralyq Scopus syılyǵyna ıe boldy. Qazirgi ýaqytta profesor Ratbaı Myrzaqulovtyń Scopus boıynsha Hırsh ındeksi 47-ge teń.
Qazaqstannyń eńbek sińirgen qaıratkeri Ratbaı Myrzaqulov – 400-den astam ǵylymı jumystardyń avtory, 150-den astam materıaly ımpakt-faktory joǵary sheteldik jýrnaldarda jarıalanǵan.