QR Oqý-aǵartý mınıstrliginiń qoldaýymen «Tech Cup X» onynshy mereıtoılyq chempıonaty aıasynda Almaty qalasynyń bilim basqarmasy men Ustem Foundation qoǵamdyq qory uıymdastyrǵan FIRST GLOBAL Challenge robototehnıka boıynsha dúnıejúzilik olımpıadaǵa ulttyq irikteý ótti.
Atalǵan baıqaýda 190-nan astam eldiń jas ınjenerleri ózara baq synasty. Keı óńirlerde irikteý onlaın rejımde ótti. İrikteý kezeńine Qazaqstannan 40-qa jýyq komanda, sondaı-aq Ózbekstan men BAÁ-den komandalar qatysty, dep habarlaıdy aqshamnews.kz aqshamnews.kz Oqý-aǵartý mınıstrligine silteme jasap.
Dúnıejúzilik kezeńge qatysýǵa almatylyq FMB NZM-niń Sristabol komandasy joldama aldy. Komanda quramynda 11-12 synyp oqýshylary Dosjan Daıran, Nýrjan Kokeev, Álfıa Baıjaqyp, Dastan Qadylbek jáne Erdáýlet Týrgenbaev bar.
Chempıonatqa robototehnıka, zymyran, dron jáne jasandy ıntellekt baǵyttary boıynsha 1500-den astam qatysýshylar men qonaqtar jınaldy.
Aıta keteıik, búgingi tańda bul sala boıynsha Qazaqstan eki dúrkin álem chempıony bolyp tabylady. Jas qazaqstandyqtar 2022 jyly Jenevada álem chempıony atanyp, 2023 jyly Sıngapýrdaǵy jarysta ekinshi márte jeńiske jetti.
First Global Challenge Dúnıejúzilik kezeńi Afınada 2024 jyldyń 26-29 qyrkúıegi aralyǵynda ótedi