Qazaqstandyq oqýshylar JBMO-2024 matematıkadan Halyqaralyq jasóspirimder Balqan olımpıadasyna qatysady. Bıyl olımpıada 25-30 maýsym aralyǵynda Antalá qalasynda ótedi, dep habarlaıdy Almaty-akshamy.kz Oqý-aǵartý mınıstrligine silteme jasap.
Elimizdiń ulttyq komandasynda alty jas matematık bar, olardyń barlyǵy 2024 jylǵy respýblıkalyq olımpıadanyń jeńimpazdary men júldegerleri.
- Álı Erkebulanuly — Almaty qalasyndaǵy fızıka-matematıka baǵytyndaǵy Nazarbaev zıatkerlik mektebiniń 9-synyp oqýshysy;
- Berdibek Orynbasar — Atyraý oblystyq №1 «Bilim-ınnovasıa» lıseı-ınternatynyń 9-synyp oqýshysy;
- Arnur Ansatov — Qyzylorda oblystyq №9 daryndy balalarǵa arnalǵan «Bilim-ınnovasıa» lıseı-ınternatynyń 9-synyp oqýshysy;
- Sultanálı Alıasqar — Astana qalasyndaǵy daryndy uldarǵa arnalǵan «Bilim-ınnovasıa» lıseı-ınternatynyń 8-synyp oqýshysy;
- Asqar Muhtaruly — Qyzylorda oblystyq №9 daryndy balalarǵa arnalǵan «Bilim-ınnovasıa» lıseı-ınternatynyń 9-synyp oqýshysy;
- Erık Lım — Almaty qalasyndaǵy respýblıkalyq fızıka-matematıka mektebiniń 9-synyp oqýshysy.
Qurama komandanyń jetekshisi:
Anton Nıkolaevıch Vasılev — f.-m.ǵ.k., M.V.Lomonosov atyndaǵy MMÝ qazaqstandyq fılıalynyń irgeli jáne qoldanbaly matematıka kafedrasynyń dosenti.
Anyqtama úshin: Matematıkadan Halyqaralyq jasóspirimder Balqan olımpıadasy (JBMO) - Balqan túbegi elderiniń oqýshylaryna arnalǵan baıqaý. Qazaqstan olımpıadaǵa qonaq el retinde qatysady.