Bul jaǵdaıdyń sebebi Meta men qazaqstandyq Quqyqtardy ujymdyq basqarý uıymdarynyń (QUBU) biriniń arasyndaǵy kelisimniń bolmaýynda jatyr.
Ádilet vıse-mınıstri Botagóz Jaqselekova Facebook jáne Instagram áleýmettik jelilerinde qazaqstandyq mýzykanyń joǵalyp ketý jaǵdaıyna qatysty pikir bildirdi, - dep habarlaıdy aqshamnews.kz
"Meta men qazaqstandyq avtorlar arasyndaǵy qatynastar kóptegen avtorlardyń bolýyna baılanysty quqyqtardy ujymdyq basqarý uıymdary arqyly retteledi. Meta men bizdiń bir QUBU arasynda kelisim jasalǵan bolatyn, biraq qarashanyń aıaǵynda kelisimdi uzartý barysynda taraptar ózara túsinistikke kele almady. Bul másele tarıftik mólsherlemeler men syıaqy tóleý kólemine qatysty boldy. Sol sebepti kelisim uzartylǵan joq. Biz osy daýdy sheshýge tyrystyq, biraq nátıjege jete almadyq, óıtkeni bir QUBU-nyń óz ustanymy bar, ol keı jerlerde ymyraǵa kelmeıdi, al Meta da óz talaptarynan bas tartpaıdy", – dedi Jaqselekova.
Ol Qazaqstanda 10-nan astam QUBU jumys isteıtinin eske saldy.
"Qazaqstanda 15 QUBU bar, al basqa elderde mundaı uıymdar 1-2 ǵana, sondyqtan Meta olarmen kimmen jumys isteý kerektigin jaqsy túsinedi. Qazir basqa uıymdar da kelissózderge qatysyp jatyr. Básekelestik jaǵdaıynda kelisim sharttary talqylanyp, belgili bir kelisimderge qol jetkiziledi dep oılaımyz. Jaqyn arada bul másele sheshiledi dep úmittenemiz", – dedi vıse-mınıstr.
Alaıda, ol qazaqstandyq oryndaýshylardyń mýzykasyn osy áleýmettik jelilerde paıdalanýǵa ruqsat berý merzimin naqty aıta almady.