Sońǵy úsh jylda elimizde mobılografıa salasy qarqyn alyp keledi
Shymkent qalasynda alǵash ret Týrızm jáne syrtqy baılanystar basqarmasynyń uıymdastyrýymen «Kreatıvti ındýstrıa» baǵyty aıasynda mobılograftardyń «Shymkent Mobilography Fest» respýblıkalyq festıvali ótti, dep habarlaıdy Almaty-akshamy.kz
Sharaǵa qatysýǵa 900-ge jýyq adam ótinim bildirgen. Qatysýshylardyń basym bóligi Shymkent jáne Nur-Sultan, Almaty, Túrkistan qalalarynan boldy. Olar saıystyń alǵashqy kúninde aldyn ala berilgen «Welcome to Shymkent» taqyrybynda qala týraly ımıjdik jáne kreatıvti jarnamalyq beınerolıkter túsirdi. Daıyn beınerolıkterdi elimizde mobılografıa salasyn damytqan Qyran Talapbek bastaǵan komısıa músheleri baǵalap, jeńimpazdar tizimin jarıalady. Jeńimpazdarǵa baǵaly syılyqtar tabystaldy.
Shara aıasynda ótken plenarlyq kezdesýge qala ákiminiń orynbasary Maqsut Isahov, Órken Kenjebek, Syrymbek Taý, Aqbota Anýarbek jáne Ádilet Rahmetolla syndy birneshe madıa salasy men túrli baǵytta óz bastamalaryn damytyp júrgen áleýmettik jeli belsendileri qatysyp, kreatıvti ındýstrıa men mobılografıanyń týrızm salasyndaǵy róline toqtaldy.
Eki kúnge sozylǵan is-sharada elimizdiń úshinshi megapolısi týraly sapaly beınerolıkter ázirlendi. Rolıkter aldaǵy ýaqytta jarnamany jandandyryp, týrıserdi tartý maqsatynda jarıalanyp otyrmaq. Jalpy elimizde sońǵy 3 jylda mobılografıa salasy damyp keledi. Oǵan qyzyǵýshy ári kásip etkender sany elý myńǵa jýyqtaǵan.