QR Tuńǵysh Prezıdenti Nursultan Nazarbaev Túrkıa Respýblıkasynyń burynǵy Prezıdenti Abdýlla Gúlmen kezdesti, dep habarlaıdy Almaty-akshamy.kz QazAqparatqa silteme jasap.
Kezdesýde Elbasy A.Gúlge «Astana klýbynyń» jumysyna belsene qatysqany úshin rızashylyǵyn bildirdi.
«Siz otyrysta jaqsy sóıledińiz. Men sizdiń ıdeıalaryńyzdy qoldaımyn. Kezinde biz eki el arasyndaǵy yntymaqtastyqty nyǵaıtyp, ekonomıkalyq ıntegrasıany damytý jolynda kóp jumys atqardyq. Bul is qazir de jalǵasyp jatyr», – dedi Qazaqstannyń Tuńǵysh Prezıdenti.
A.Gúl «Astana klýby» otyrysynyń aıasynda jahandyq kún tártibi máselelerin talqylaýdyń ózektiligine toqtalyp, Nursultan Nazarbaevtyń «Úlken Eýrazıa» qurlyǵynda yntymaqtastyq pen qaýipsizdikti nyǵaıtý isindegi mańyzdy rólin atap ótti.