HOK bul sport túrin jarysqa qospaǵan.
Qazaqstandyq jáne ózge eldiń boksshylary Olımpıada oıyndaryna qatyspaýy múmkin. Halyqaralyq Olımpıada komıteti 2028 jyly ótetin oıyn baǵdarlamasyna boksty qospaǵan, dep habarlady Almaty-akshamy.kz Allboxing.ru saıtyna silteme jasap.
Basylymnyń habarlaýynsha, HOK 2024 jyly Parıjde ótetin Olımpıada oıyndaryna irikteýdiń jańa tártibin maquldady.
Jańa erejege sáıkes, Parıj Olımpıadasyna irikteý 2023 jyly ótetin aımaqtyq, halyqaralyq týrnırlerdiń qorytyndysy boıynsha júrgiziledi. Bul Santágodaǵy Panamerıkalyq oıyndar, Krakovtaǵy Eýropa oıyndary, Solomon aralyndaǵy Tynyq muhıty oıyndary jáne Gýanchjoýdaǵy Azıa oıyndary.
HOK qaýymdastyǵy men Afrıka elderi arasynda Akkradaǵy Afrıka oıyndaryn da irikteý týrnıri retinde esepteý týraly kelissózder júrgizilýde.
Sodan keıin 2024 jyly HOK 2 dúnıejúzilik irikteý týrnırin ótkizýdi josparlap otyr.
Al 2028 jyly Los-Andjeleste ótetin Olımpıadaǵa boksshylardyń qatysýy kúmán ústinde. Halyqaralyq Olımpıada komıteti bul sport túrin jarysqa qospaǵan. HOK Halyqaralyq boks federasıasyndaǵy (IBA) jaǵdaıǵa alańdaýshylyq bildirip, federasıany reformalaý prosesin baqylaýdy jalǵastyrady.