Qasym-Jomart Toqaev pen Yurıko Koıke tsıfrlandyru, Smart city tehnologıyalaryn jáne qalany ornyqty damytu, jasandy ıntellekt, shahardy basqaru ísíne ınnovatsıyalyq sheshímderdí engízu salalaryndaǵy yntymaqtastyq máselelerín talqylady, - dep habarlaıdy Aqshamnews.kz.
Sonymen qatar megapolısterdíń tūrǵyndary men qonaqtary úshín anaǵūrlym jaıly, ekologıyalyq tūrǵydan taza, qauípsíz jáne ınklyuzıvtí orta qalyptastyru jaıyn qarastyrdy.
Memleket basshysy qalany basqaru ísíne jasandy ıntellektíní engízu boıynsha ekí el astanalary arasyndaǵy yntymaqtastyqtyń áleuetí zor ekeníne toqtaldy.
Kezdesude Qasym-Jomart Toqaevqa Tokıo qalasynyń Smart city tūjyrymdamasy tanystyryldy. Joba halyqtyń tūrmys sapasyn jaqsartudy, shahardy basqaru tıímdílígín arttyrudy jáne ornyqty damu úshín ozyq tehnologıyalardy paıdalanudy kózdeıdí.