Qazaqstan Respublıkasy Eńbek jáne halyqty áleumettík qorǵau mınıstrlígí Qazaqstan Respublıkasynyń 2030 jylǵa deıíngí kóshí-qon sayasatynyń jańa tūjyrymdamasynyń jobasyn ázírledí, - dep habarlaıdy Aqshamnews.kz.
Qūjattyń negízgí maqsaty – mıgranttardy sapaly íríkteuge, kóshí-qon aǵyndarynyń tepe-teńdígíne jáne adamı kapıtaldy damytuǵa negízdelgen qauípsíz jáne basqarylatyn kóshí-qon júıesín qūru. Qazírgí uaqytta Tūjyrymdama Úkímette qaralyp jatyr.
Tūjyrymdama mynadaı negízgí baǵyttardy qamtıdy:
1. Migration.enbek.kz platformasy negízínde kóshí-qon monıtorıngíníń bíryńǵaı tsıfrlyq júıesín qūru arqyly kóshí-qon aǵyndaryn tírkeu júıesín jetíldíru. Platformada barlyq uákílettí organdardyń derekterí ıntegratsıyalanatyn bolady: Eńbek jáne halyqty áleumettík qorǵau mınıstrlígí, Íshkí íster mınıstrlígí, Syrtqy íster mınıstrlígí, Ǵylym jáne joǵary bílím mınıstrlígí jáne basqa da vedomstvolar.
Būl kóshí-qon protsesteríníń tolyq jáne senímdí beınesín jasauǵa múmkíndík beredí, sonyń íshínde mıgranttardyń keluí, boluy, bílím aluy, jūmysqa ornalasuy jáne áleumettík jaǵdaıy turaly derekter. Jınalǵan derekterdíń negízínde kóshí-qon úrdísterín boljau, analıtıkalyq esepterdí ázírleu jáne uaqtyly basqaru sheshímderín qabyldau qamtamasyz etíledí.
Būdan basqa, enbek.kz júıesín Ūlttyq bílím beru bazasymen jáne basqa da aqparattyq resurstarmen ıntegratsıyalau josparlanuda, būl túlekterdíń, qonys audarushylardyń jáne memlekettík baǵdarlamalarǵa qatysushylardyń jūmysqa ornalasuy turaly monıtorıngtí qamtamasyz etedí.
Būl baǵytty íske asyru kóshí-qon protsesteríníń ashyqtyǵyn, kóshí-qon táuekelderíne uaqtyly den qoyudy, memlekettík retteudíń tıímdílígín arttyrudy jáne basqarmalar arasyndaǵy funktsıyalardyń qaıtalanuyn joyudy qamtamasyz etedí;
2. Eńbek kóshí-qonyn yntalandyru jáne retteu óńírlík dısproportsıyany azaıtuǵa, kásípkerlík belsendílíktí damytuǵa, jūmyspen qamtudy arttyruǵa, onyń íshínde qandastar men mıgranttar arasynda, áleumettík tūraqtylyq pen adamı kapıtaldy nyǵaıtu úshín jaǵdaı jasauǵa múmkíndík beredí.
Jūmys kúshíníń shyqqan jáne eńbek resurstaryn qabyldaıtyn óńírler arasynda óńíraralyq memorandumdar jasasu, sheteldík jūmys kúshín tartudyń retteluín jetíldíru, sondaı-aq mobıldí kásípkerlíktí damytu jóníndegí sharalardy íske asyru josparlanuda.
Íshkí qonys audarushylar men qandastardy qoldauǵa erekshe nazar audarylady. Tūjyrymdamada eldíń soltústík, shyǵys jáne ortalyq oblystarynda qonys audaruǵa jáne qonystanuǵa arnalǵan jyl saıynǵy óńírlík kvotalardy bekítu kózdelgen. Būl óńírlerde auyl halqynyń tabysyn arttyruǵa, onyń íshínde jeke qosalqy sharuashylyqtarǵa jeńíldíkpen kredıt beru, kooperatsıyany damytu jáne shaǵyn bıznestí yntalandyru arqyly baǵyttalǵan jobalar damıtyn bolady.
Osy baǵytty íske asyru eńbek resurstaryn ońtaıly qaıta bóluge, jūmyspen qamtu deńgeıín arttyruǵa jáne óńírlerdíń demografıyalyq áleuetín nyǵaıtuǵa yqpal etetín bolady;
3. Shetelde jūmys ísteıtín Qazaqstan azamattarynyń qūqyqtaryn qorǵauǵa, bílíktí mamandardy tartuǵa, halyqaralyq yntymaqtastyqty damytuǵa jáne etnıkalyq qazaqtardy qoldauǵa baǵyttalǵan syrtqy kóshí-qondy basqaru tetíkterín jetíldíru.
Osy baǵyttyń sheńberínde Qazaqstan azamattarynyń eńbek jáne áleumettík qūqyqtaryn qorǵau boıynsha Europa men Azıyanyń bírqatar elderímen ekíjaqty kelísímder jasasu, jūmysqa ornalasu maqsatynda shetelge shyǵatyn azamattardyń monıtorıngíníń tsıfrlyq platformasyn qūru, sondaı-aq syrtqy eńbek kóshí-qonyn baqylau jáne aqparattyq súıemeldeu tetíkterín damytu kózdeledí.
Bílíktí sheteldík mamandar men sheteldík studentterdí tartuǵa erekshe kóńíl bólínedí. Salalyq unıversıtetter qūru, Ortalyq Azıya elderínde kásíptík baǵdarlau kampanıyalaryn ótkízu josparlanuda.
Būdan basqa, Tūjyrymdamada tarıhı otanyna oralǵan qandastardy qoldau sharalary qarastyrylǵan. Olardy ıntegratsıyalau úshín bíryńǵaı standart ázírlenedí, qonystandyru boıynsha óńírlík baǵdarlamalar íske asyrylady, sondaı-aq «Ata joly» kartasy jetíldíríletín bolady.
Tūjyrymdama áleumettík ūıymshyldyqty nyǵaıtuǵa, kóshí-qon táuekelderín azaıtuǵa jáne memlekettík sayasattyń tıímdílígín arttyruǵa baǵyttalǵan kóshí-qondy retteuge tūtas jáne teńgerímdí tásíldí qalyptastyrady.
Qūjatty qabyldau Qazaqstan úshín qandaı da bír jaǵymsyz qoǵamdyq-sayası saldarǵa ákep soqpaıdy.
Tūjyrymdamany íske asyru memlekettík byudjetten qosymsha qarjy qarajatyn talap etpeıdí. Būl rette Eńbek mınıstrlígí 73 ís-shara men 14 nysanaly ındıkatordy qamtıtyn ís-qımyl josparyn daıyndady.