Búdjet esebinen tumaýǵa qarsy vaksınanyń 2,3 mln dozasy satyp alynǵan.
Densaýlyq saqtaý vıse-mınıstri - QR Bas memlekettik sanıtarlyq dárigeri Aıjan Esmaǵambetova OKQ kýlýarynda halyqty tumaýǵa qarsy vaksınasıalaý naýqany qashan bastalatynyn aıtty, dep habarlaıdy Almaty-akshamy.kz Egemen.kz silteme jasap.
Aıjan Esmaǵambetova 1 qazannan bastap elde tumaýǵa qarsy vaksınasıa naýqany bastalatynyn eske saldy.
«Jyl saıyn epıdemıalyq maýsymnyń bastalýyna deıin biz vaksınasıa naýqanyn ótkizemiz. Osylaısha adamdardyń ımýnıteti nyǵaıa túsedi», - dedi vıse-mınıstr.
Aıjan Esmaǵambetovanyń málimetinshe, búdjet esebinen tumaýǵa qarsy vaksınanyń 2,3 mln dozasy satyp alyndy. 20-25 qyrkúıekke deıin vaksınalardy aımaqtarǵa bólip jetkizý aıaqtalady.
Kelesi sanattaǵy adamdar búdjet qarajaty esebinen egiledi:
- jıi aýyratyn balalar;
- dıspanserlik esepte turǵan balalar;
- 60 jastan asqan, jabyq medısınalyq-áleýmettik mekemelerdegi adamdar;
- júkti áıelder.
«Turǵyndar óz qarajaty esebinen ekpe saldyra alady. Ortasha alǵanda, ótken jylǵy baǵa aıtarlyqtaı ózgergen joq. Byltyr bul shamamen 3 myń teńge bolatyn, bıyl biz jeke sektorda bul vaksınanyń qansha turatynyn áli bilmeımiz», - dep tolyqtyrdy Aıjan Esmaǵambetova.