2025 jyldyń on aıynda Azamattyq avıasıa komıtetiniń qyzmeti salany turaqty damytýǵa, ushý qaýipsizdigi deńgeıin arttyrýǵa jáne azamattyq avıasıa salasyndaǵy memlekettik retteý júıesin jetildirýge baǵyttaldy, - dep habarlaıdy Aqshamnews.kz.
2025 jyldyń on aıynda áýe kóligimen 26,6 mln jolaýshyǵa qyzmet kórsetildi, bul 2024 jylǵy kezeńimen salystyrǵanda 8%-ǵa artty. Onyń ishinde 13,1 mln jolaýshy otandyq áýe kompanıalarymen tasymaldandy, bul ótken jyldyń osy kezeńimen salystyrǵanda 6,1%-ǵa kóbeıdi.
Sonymen qatar, eseptik kezeńde áýejaılarda óńdelgen júk kólemi 140 myń tonnaǵa jetti, onyń ishinde otandyq áýe kompanıalary tasymaldaǵan júk kólemi 23,8 myń tonnany qurady, bul 2024 jyldyń sáıkes kezeńimen salystyrǵanda 6,3%-ǵa artyq.
İshki áýe baǵyttarynyń sany 60 baǵytty qurap, aptasyna 821 reıs jıiligimen oryndaldy.
Halyqaralyq marshrýttyq jeli 30 eldi qamtıtyn 131 baǵytqa deıin keńeıtilip, aptasyna jalpy 616 reıs oryndaldy.
2025 jyldyń shilde aıynda Qazaqstan Respýblıkasyna Halyqaralyq azamattyq avıasıa uıymy (IKAO) Keńesiniń Prezıdenti Salvatore Shakkıtanonyń resmı saparmen keldi. Bul sapar IKAO Keńesi Prezıdentiniń Qazaqstanǵa jasaǵan tarıhtaǵy alǵashqy resmı sapary boldy.
Aǵymdaǵy jyldyń 2–14 qyrkúıek aralyǵynda Qazaqstan Respýblıkasynyń aýmaǵynda avıasıalyq qaýipsizdik máseleleri boıynsha IKAO aýdıti júrgizildi.
Tekserý qorytyndysy boıynsha IKAO halyqaralyq standarttaryna sáıkestik deńgeıi 95,7%-dy qurady, bul álemdik ortasha kórsetkishten (72%) jáne ortaeýropalyq deńgeıden (88%) aıtarlyqtaı joǵary. Qazaqstannyń kórsetkishi TMD elderi arasynda ǵana emes, IKAO-nyń Eýroazıalyq óńirinde de eń joǵary kórsetkishterdiń biri (Grýzıa – 89,75%, Ózbekstan – 85,47%, Belarýs – 91,85%, Qyrǵyzstan – 85,7%, Ázerbaıjan – 74,66%, Albanıa – 68,74%, Túrkıa – 77,59%).
Memleket basshysynyń AQSH-qa jasaǵan sapary aıasynda «Air Astana» áýe kompanıasy men Boeing kompanıasy arasynda buryn tapsyrys berilgen úsh áýe kemesine qosymsha 15 Boeing 787–9 Dreamliner ushaǵyn jetkizý týraly kelisimshartqa qol qoıyldy. 18 Boeing 787–9 áýe kemesinen turatyn áýe parkiniń jalpy quny 7 mlrd AQSH dollaryn quraıdy.
Áýe parkiniń tolyqtyrylýy Qazaqstanǵa halyqaralyq marshrýttardyń geografıasyn keńeıtýge, onyń ishinde AQSH-qa tikeleı reıster ashýǵa múmkindik beredi.
2025 jylǵy 21 shildede QR Kólik mınıstrliginiń №223 buıryǵymen avıasıalyq tehnıka jáne (nemese) arnaıy kólik lızıńi sharttary aıasynda júzege asyrylatyn kúrdeli shyǵystardyń qunyn jáne nysanasyn aıqyndaý qaǵıdalary qabyldandy. Bul qaǵıdalar memlekettik qatysýy bar áýejaılar úshin arnaıy tehnıkany satyp alýǵa múmkindik beredi.
Otandyq áýekompanıalarynyń áýe kemeleri parki 12 jańa ushaqpen tolyqtyryldy (SCAT – 4 Boeing 737 MAX8, Air Astana – 3 Airbus A321/320, FlyArystan – 5 Airbus A321/320).
2025 jylǵy 4 maýsymdaǵy №412 Úkimet qaýlysymen Qazaqstan Respýblıkasynyń 2025–2031 jyldarǵa arnalǵan azamattyq pılotsyz avıasıany damytý tujyrymdamasy qabyldandy. Atalǵan qujatta retteý, kadr daıarlaý jáne ǵylymı zertteýlerdi qosa alǵanda, damýdyń strategıalyq baǵyttary aıqyndalǵan.
Aqtaý qalasy áýejaıynyń ushý-qoný jolaǵy men róldeý jolynyń kúrdeli jóndeý jumystary, sondaı-aq Astana qalasy áýejaıynyń ushý-qoný jolaǵyna aǵymdaǵy jóndeý jumystary aıaqtaldy. Sonymen qatar Balqash qalasy áýejaıy termınalynyń rekonstrýksıasy aıaqtalý satysynda.
Katon-Qaraǵaı, Zaısan jáne Kendirli kýrorttyq aımaqtarynda úsh áýejaıdyń qurylysy júrgizilýde, sondaı-aq Arqalyq qalasy áýejaıynyń qyzmetin qalpyna keltirý boıynsha jumystar atqarylýda. Budan bólek, Pavlodar qalasy áýejaıynyń aerodromyn rekonstrýksıalaý boıynsha jumystar júrgizilýde.
Sonymen qatar, Memleket basshysy deńgeıinde azamattyq avıasıany damytý máseleleri boıynsha ótken keńesinde negizgi tásilder aıqyndalyp, strategıalyq sheshimder qabyldandy jáne salanyń odan ári damýyna baǵyttalǵan orta merzimdi mindetter belgilendi.