Júrgízílgen tekseru nátıjelerí boıynsha Almaty qalasynyń aumaǵynda shektí rūqsat etílgen shyǵaryndylardyń (ShRSh) jıyntyq tomyn jasau barysynda taǵam daıyndau men jylytu úshín qatty otyn paıdalanatyn 509 qoǵamdyq tamaqtanu nysany (káuaphana) jáne 81 kommertsıyalyq monsha anyqtaldy, dep habarlaıdy aqshamnews.kz
Basqarma ókílderí kóppáterlí tūrǵyn úılerde jáne ózge de ǵımarattarda ornalasqan qoǵamdyq tamaqtanu nysandarynda qatty otyn paıdalanuǵa qoǵamdyq tamaqtanu oryndaryna qoıylatyn sanıtarlyq-epıdemıologıyalyq talaptarǵa sáıkes tyıym salynǵanyn eske saldy. Sonymen qatar qala aumaǵynda mangaldardy paıdalanu jáne monsha salu kezínde órt qauípsízdígí talaptarynyń būzyluy tírkelíp otyr. Būl azamattardyń ómírí men densaulyǵyna qauíp tóndíríp qana qoımaı, atmosferalyq auanyń qosymsha lastanuyna ákeledí.
Osyǵan baılanysty 2025 jyly 27 qarashadan bastap «Eco Almaty» JShS qyzmetkerlerí qatty otyn paıdalanatyn nysandardy baqylau jūmystaryn júrgízíp keledí. Atalǵan jūmys ayasynda 182 qoǵamdyq tamaqtanu nysanynyń ıesímen jáne 39 monsha ıesímen gaz jabdyǵyna kóshu, sondaı-aq shyǵaryndylardy tazalau júıelerín ornatu qajettílígí boıynsha túsíndíru jūmysy júrgízíldí. Sonymen qatar 23 qoǵamdyq tamaqtanu nysanynda kóríktendíru qaǵıdalaryn būzu faktílerí anyqtaldy.
Zańbūzushylarǵa qatysty Polıtsıya departamentíníń qūzyretí ayasynda sharalar qabyldanyp, Qazaqstan Respublıkasy Ákímshílík qūqyq būzushylyq turaly kodeksíníń 505-baby boıynsha hattamalar toltyryldy. Sondaı-aq materıaldar uákílettí organdarǵa – Sanıtarlyq-epıdemıologıyalyq baqylau departamentíne, Tótenshe jaǵdaılar departamentíne (TJD) jáne Ekologıya departamentíne joldandy.
Būdan bólek, Almaty qalasynyń Sanıtarlyq-epıdemıologıyalyq baqylau departamentí kózge kórínetín tútín shyǵaryndylarymen qatar qyzmetíne baılanysty 12 káuaphanaǵa jospardan tys tekseru júrgízdí. Sonyń nátıjesínde 10 ekologıyalyq qūqyq būzushylyq faktísí anyqtalyp, 7 nūsqama beríldí, 2 materıal sotqa joldandy. Jalpy somasy 1 887 360 teńge bolatyn 8 ákímshílík shara qoldanyldy.
Baqylau jūmystary jalǵasyp keledí.
