Álem chempıonatyna qatysqan eki sportshy da altynnan qanjyǵa maılady
Jasóspirim qyzdar arasynda 81 keliden joǵary salmaqta synǵa túsken otandasymyz Rýfına Chalkarova jarystan top jardy. Ol qossaıys nátıjesi boıynsha 247 (107+140) kelini baǵyndyrdy, dep habarlaıdy Almaty-akshamy.kz Ulttyq olımpıada komıtetine silteme jasap.
Brazılıalyq Jýstıne De Lıma Taıane ekinshi orynnan kórinse, túrkıalyq Jevık Fatmagúl úzdik úshtikti túıindedi.
Aıta keterligi, keshe jasóspirim uldar arasynda baq synaǵan qazaqstandyq Rahat Bekbolat qossaıys nátıjesinde 355 kelini eńserip, álem chempıony atanǵan bolatyn.
Jasóspirimder arasyndaǵy álem chempıonatyna Qazaqstan sapynan barlyǵy eki sportshy qatysty. Nátıjesinde eki sportshy da altyn medalǵa ıe boldy.