Jas ınnovatorlar Vıktor Kohno men Maksım Sýrın avtonomdy dýlyǵanyń kómegimen qalada óz betinshe jáne qaýipsiz qozǵalýǵa bolady, osylaısha zaǵıp adamdardyń kúndelikti ómiri aıtarlyqtaı jeńildeıdi degen qorytyndyǵa keldi.
Kórý qabileti nashar adamdardyń máselesin sheshý úshin jas avtorlar ınovasıalyq dýlyǵa jasap shyǵardy, dep habarlaıdy Almaty-akshamy.kz «Vechernıı Almaty» gazetine silteme jasap.
«Ózińizdi qarańǵylyqta qalyp qoıdym dep elestetip kórińizshi, sizdiń alǵashqy áreketterińiz qandaı bolady? Siz dybystardy tyńdaı bastaısyz, qaıda ekenińizdi anyqtaý úshin aınalańyzdaǵy zattardy izdeısiz. Bul ádisterdi dúnıe júzinde 36 mıllıonnan astam zaǵıp adam qoldanady. Árbir zaǵıp adam janasýǵa, dybystyq sıgnaldarǵa, jeke kómekshilerge jáne ekrandy oqý quraldaryna tikeleı táýeldi», - deıdi Vıktor.
Tek Qazaqstannyń ózinde 160 myń kórý qabileti nashar adam bar. Bul máseleni sheshý úshin jigitter soqyrlarǵa keńistikte júrýge kómektesetin konsepsıa – dýlyǵa usynady.
Inovasıalyq jumys barysynda avtorlar soqyrlar qoǵamyna bardy. Zaǵıp jandarmen ondaǵan suhbat júrgizgennen keıin jas robototehnıkter prototıpti jobalaý faktorlaryn anyqtap alǵan.
«Dýlyǵanyń iske qosý túımesi, keń ekrandy kamerasy, vızıtkanyń kólemindeı bir plataly kompúteri jáne eki qulaqqaby bar. Dýlyǵa avtokólikterdi, poıyzdardy, avtobýstardy, baǵdarshamdy, jol belgilerin, velosıpedshilerdi jáne basqa da kedergilerdi anyqtaýǵa qabiletti», - dep túsindirdi joba avtory.
Bunymen qosa Vıktor men Maksım smartfonǵa ornatylǵan See the Future atty dýlyǵaǵa arnalǵan qosymsha jasap shyǵardy. Qazirgi ýaqytta bul qosymshada geolokasıa, aýa raıy, kompas, mýzyka, podkasttar jáne tipti aýdıokitaptar tyńdaý sıaqty múmkindikter bar.