19 qańtar kúni saǵat 16.15-ten bastap Almaty qalasynda qar jaýa bastady.
20 qańtar saǵat 07.00-degi jaǵdaı boıynsha, taýly aýdandarda 20 sm-ge deıin, qalada 6-8 sm qar jaýdy, dep habarlaıdy Almaty-akshamy.kz
Kóktaıǵaq qubylystarynyń aldyn alý maqsatynda qar jaýa salysymen, joldarǵa kóktaıǵaqqa qarsy materıaldar sebiledi. 2077 tonna paıdalanyldy.
Taýly jáne taý bókterindegi jerlerde qar kúreý júrgiziledi. Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, kópshilik paıdalanatyn oryndardy tazalaý boıynsha jumystar uıymdastyryldy.
Túngi ýaqytta 208 qumshashqysh jáne 338 jol jumysshysy shyǵyp, barlyǵy 535 birlikti qurady. Tańerteń 562 arnaıy tehnıka birligi, 160 qumshashqysh jáne 1493 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
"Qazgıdromettiń" boljamy boıynsha aralas jaýyn-shashyn túske taman aıaqtalady dep kútilýde. Aýa búgin 20 qańtar kúndiz +1, +3.