Aýyldaǵy volonterlik uıymdarǵa 1 mln teńgelik granttar berilmek ,dep habarlaıdy Almaty-akshamy.kz.
Astanadaǵy beıbitshilik jáne kelisim saraıynda ótip jatqan Halyqaralyq volonterler forýmynyń kýlýarynda Aqparat jáne qoǵamdyq damý vıse-mınıstri Danıar Qadirov osyndaı málimet aıtty, dep jazdy Qazaqparat.
«Byltyr 4 shildede Memleket basshysy Qasym-Jomart Toqaev «Volonterlik qyzmet týraly» Zańǵa qol qoıdy. Ol zańda volonterlik qyzmettiń jumysyna qolaıly jaǵdaı jasaý sharalary qarastyrylǵan. Eriktilerdiń oqýǵa, jumysqa túsýi kezinde basymdyqtar bolady. Sonymen birge, qazir volonterlik uıymdarǵa negizinen jınalǵan júkti saqtaıtyn qoımalar kerek. Sol qoımalardy jergilikti organdar tómen baǵamen nemese tegin beretindeı zańdy tetikter kózdelgen», - dedi vıse-mınıstr.
Onyń sózinshe, 2023 jyly volonterlik uıymdardy qoldaý úshin 54 joba qolǵa alynǵan.
«Sonyń ishinde 250 shaǵyn grant beriledi. Ár granttyń somasy 1 mıllıon teńgedeı bolady. Eki jylǵa deıingi merzimmen beriledi. Ol granttardyń kóbi aýyldy jerde volonterlik uıymdardy qoldaýǵa baǵyttalyp jatyr», - dedi Danıar Qadirov.