Bastamashy toptardyń qujattary qaralyp jatyr.
Qazaqstannyń Ádilet mınıstri Qanat Mýsın tórt bastamashy toptyń partıa qurýǵa qatysty qujattary qaralyp jatqanyn aıtty, dep habarlaıdy Almaty-akshamy.kz.
«2019 jyldan beri 10 bastamashy top saıası partıalardy tirkeýge qujat berdi. Onyń úsheýi birinshi kezeńnen ótti. Olardan habarlandyrý qabyldanyp, oǵan rastaý berildi. Eki partıa jarty jyl buryn rastaý alǵanymen partıa qurý baǵytynda odan ary jumys júrgizgen joq. Soǵan oraı tirkeýge arnalǵan qujattaryn usynbady», - dep atap ótti Qanat Mýsın Ortalyq komýnıkasıalar qyzmetindegi baspasóz máslıhaty barysynda.
Onyń atap ótýinshe, qazirgi ýaqytta Ádilet mınıstrliginiń qaraýynda 4 partıanyń qujaty jatyr.
«Halyq derbestigi» partıasy ekinshi kezeńge ótti. Olar sıezerin ótkizip, qazirgi ýaqytta zańǵa sáıkes partıa retinde quryltaıshylyq sezin ótkizedi. 20 myń kandıdatynyń tizimin usynýy qajet. Qazirgi ýaqytta zańǵa sáıkes tirkeý merzimi toqtatyldy jáne partıa múshelerin tekserý júrip jatyr. «El tiregi», «Namys» jáne «Báıterek» partıalary boıynsha birinshi kezeń deńgeıinde jumys júrgizilýde. Iaǵnı, partıa qurý nıeti týraly habarlama alynǵannan keıin zańǵa oraı tekserý jasalady. Muny birneshe ret aıttym. Keminde 1 myń adam bolýy tıis bastamashylyq top músheleriniń arasynda JSN-i durys emes nemese JSN-ni atyna, tegine ákesiniń atyna sáıkes kelmeıtin tulǵalar bar. Ókinishke oraı, qaza tapqan azamattar, sonymen qatar ózge partıanyń músheleri anyqtaldy. Zańǵa sáıkes, Qazaqstan azamattary bir ǵana partıaǵa múshe bola alady. Sol sebepti ol basqa partıanyń qurylýyna qatysa almaıdy. Bul adamdar partıa qurýǵa bastamashylar qatarynan shyǵarylady jáne bastamashy toptyń músheleriniń sany azaıyp, zańmen bekitilgen shektelimnen tómen túsip ketedi. Osy kemshilikterdiń bárin joıǵannan keıin bastamashy top qujattaryn qaıtadan ótkizip, munan arǵy kezeńderge ótýge úmitker bola alady», - dedi ol.