Turǵyn úıden 65 adam evakýasıalandy.
Almatydaǵy «Aqkent» yqsham aýdanynda ornalasqan toǵyz qabatty turǵyn úıden órt shyqty, dep habarlaıdy Almaty-akshamy.kz qalalyq TJD cilteme jasap.
Órt týraly habarlama saǵat 14:30-da túsken.
«Qutqarýshylar jetkende, 7-qabattaǵy páterdiń lodjıasynda jalpy alańy 10 sharshy metr jer órtenip jatqany jáne 8-9 qabattarǵa taralý qaýpi anyqtaldy. Adamdardy evakýasıalaý men qutqarý jumystary júrgizildi. Qabyldanǵan sharalardyń nátıjesinde 7 adam qutqarylyp, 65 adam, onyń ishinde balasy bar áıel evakýasıalandy. Órt 15:02-de tolyǵymen sóndirildi. Órttiń shyǵý sebebi anyqtalyp jatyr», - delinedi qalalyq TJD habarlamasynda.
Almaty qalalyq TJD órt qaýipsizdiginiń qarapaıym erejelerin saqtaýdy, ıaǵnı elektr quraldaryn qosýly kúıde qaraýsyz qaldyrmaý, balkondardy janǵysh materıaldarmen qaptamaý jáne temeki shekpeý týraly eskertti.