Eńbek jáne halyqty áleýmettik qorǵaý mınıstriniń orynbasary Asqar Bıahmetov taǵy bir mereke bekitilýi múmkin ekenin aıtty, - dep habarlaıdy Aqshamnews.kz tilshisi.
Bul týraly ol Úkimet otyrysynan keıingi brıfıńte bólisti.
Buǵan deıin premer-mınıstrdiń orynbasary Ermek Kósherbaev Úkimetke azamattar men kásibı qaýymdastyqtardan belgili bir kúnderdi memlekettik nemese kásibı merekeler dep taný týraly ótinish kóp túsetinin aıtqan edi. Osyǵan baılanysty BAQ ókilderi eńbek mınıstrligi ókilinen resmı túrde Energetık kúni bekitilýi múmkin be ekenin surady.
"Búginde Energetık kúni boıynsha másele buıryqty bekitýge kelip tirelip tur. Joba Ádilet mınıstrliginde. Eger jaqyn arada kelissek, kúnin – 22 jeltoqsan dep bekitemiz", – dedi vıse-mınıstr.
Sondaı-aq, brıfıń kezinde 31 jeltoqsandy demalys kúni retinde jarıalaý jóninde suraq qoıyldy. Asqar Bıahmetov Úkimette mundaı másele qaralyp jatpaǵanyn aıtty.