Elimizdegi ózin ózi jumyspen qamtýshy 2,1 mıllıonnan astam adamnyń 862 myńy osyndaı mólsherde ǵana tabys tabady.
Jyldyń basynda Qazaqstan Respýblıkasyndaǵy ózin ózi jumyspen qamtyǵan halyqtyń sany 2,1 mıllıonǵa jýyqtaǵan, bul kórsetkish 2020 jyldyń sońǵy toqsanynyń qorytyndylarymen salystyrǵanda 1,3%-ǵa kóp, dep habarlaıdy Almaty-akshamy.kz Finprom.kz saıtyna silteme jasap.
Sońǵy 5 jylda osy kórsetkish 2,1 mıllıonnyń aınalasynda, al osydan 10 jyl buryn 2,7 mıllıon adamǵa jetken bolatyn. Elimizde ózin ózi jumyspen qamtyǵan adamdar jumys isteıtin halyqtyń 23,8%-yn quraıdy.
Ózin-ózi jumyspen qamtyǵandar sany dástúrli túrde aýyldyq jerlerde basym bolyp tur: ıaǵnı 2021 jyldyń aıaǵyndaǵy málimet boıynsha, Qazaqstan Respýblıkasynyń 57%-yn quraǵan. Sonymen qatar qalalyq jáne aýyldyq jerlerde ózin-ózi jumyspen qamtyǵandar arasyndaǵy alshaqtyq birtindep azaıyp ta keledi. Osylaısha, 10 jyl buryn aýylda ózin ózi jumyspen qamtyǵandardyń úlesi 68,8% bolsa, 5 jyl buryn 65,2% -ǵa azaıyp, al 2020 jyly 58,5%-dy qurady. 2021 jyly qalalarda ózin-ózi jumyspen qamtyǵandar sany 4,9% -ǵa, ıaǵnı 901,5 myń adamǵa, al aýyldyq jerlerde, kerisinshe, 1,3% -ǵa, ıaǵnı 1,2 mıllıonǵa deıin tómendedi.
Genderlik turǵydan alǵanda da ózin-ózi jumyspen qamtyǵan áıelder men erler sanynyń arasyndaǵy aıyrmashylyq onsha kóp bolǵan joq. Osylaısha, ózin-ózi jumyspen qamtyǵan erlerdiń úlesi 54,7% nemese 1,2 mıllıon adam, al áıelderdiń úlesi 45,3% nemese 948,5 myń adamdy qurady.
Qazaqstan Respýblıkasynyń aımaqtary arasynda ózin-ózi jumyspen qamtyǵandardyń eń kóp sany Túrkistan oblysynda baıqaldy - 359,9 myń adam. Odan keıingi orynda Almaty (278,8 myń adam) jáne Shyǵys Qazaqstan oblysy (191,4 myń adam) tur.
Ózin-ózi jumyspen qamtyǵandardyń jartysynan kóbi (1,2 mıllıon adam) qyzmet kórsetý salasynda bolsa, úshten bir bóligi (630,3 myń adam) aýyl, orman jáne balyq sharýashylyǵymen aınalysady, al qalǵan 221,3 myń adam ónerkásip jáne qurylys salalarynda jumys isteıdi.
2,1 mln ózin-ózi jumyspen qamtyǵandardyń arasynda 862,1 myń adam, nemese ózin-ózi jumyspen qamtyǵandardyń 41,2%-nyń jıyntyq kirisi eń tómengi kúnkóris deńgeıiniń 2 mólsheri men 80 myń teńge arasynda bolyp otyr.
* 2021 jyly eń tómengi kúnkóris deńgeıi 34,3 myń teńge bolsa, 2022 jyly 36 myń teńge boldy.
Ózin-ózi jumyspen qamtyǵandardyń ekinshi bir toby - 100 myńnan 150 myńǵa deıin tabys tabatyndar, 328,1 myń ózin-ózi jumyspen qamtyǵan adamnyń tabysy osy kólemde. Al eń tómengi kúnkóris deńgeıiniń 1 jáne 2 mólsherindeı ǵana tabysy barlardyń sany 301,2 myń adam bolǵan.
